CHAM.VOV.VN - 62 baoh sang urang Cam Hroi daok rai di bhum taneh tabok glaong, labik mbuan si jatuh mbuan mbuan si jaleih di takai ceik Ơi Phí, mbon Ma Giai, xa Phú Túc, tinh Gia Lai (dahlau diah daok di dalam tinh Phu Yen) hu rilo bui sambai tuk hu diuk rai di bhum taneh bahrau.

CHAM.VOV.VN - Yaom mada ngak di rilo paok bruk tagok tal tanut 98%, min “danak praong” kuac kuah, pakajap ia Craoh Cái, di Binh Dương klak, ini lac Ban raya Ho Chi Minh, daok dang anak bruk mbuan ngak oh njauk tukvak. 61 baoh sang rahra oh ka jao bayar mbaok taneh oh lac sa kadha kan ka tukvak ngak, blaoh daok lac bruk mbuan ngak ia dauk di rilo labik saong ngak palai jien buh tame bruk karja

CHAM.VOV.VN: Thun ini, rilo sang bac Dai hoc peih veik nganh bac bahrau, pabak hatai caong khin di urang bac, pagam haong ilamo khoa hoc saong ngak kong, glo akaok tui hatai manuac urang hadah krah. Ini lac kein lagaih ka rilo anek saih palih ruah anak tuk tame dai hoc. Kadha di urang phong vien di Rayo Sap ndom Viet Nam.

CHAM.VOV.VN: Dalam dom harei akaok thun thak asaih 2026, dom labik peih ngak ilamo, adaoh tamia meng kan di tinh Khanh Hoa taduan mek hu bruk sangka, hu mbaok tame ngak iek di rilo tuai damuai negar langiu. Tapa di nan, ngak brei yaih khan dom janih siam gheih brei ka ilamo, adaoh tamia di bangsa tal ayut sahabat dunya. Giang Đình hu kadha ndom mayai tal.

CHAM.VOV.VN: Gam haong thaik binguk gheih mekre di ceik glai saong langik tasik, asal ilamo biak karei di bhap bani bangsa takik gah Pai tinh Lam Ndong daok ngak brei parilo jang dom ndap nda jirah rivang ma-in saong dak harei dak khik takai tuai damuai dalam saong langiu negar. Urang vak Đoàn Sĩ hu kadha vak ndom tal ka bruk pataom ba ilamo tame cak rok patagok bruk rivang ma-in di puk palei.

CHAM.VOV4.VN: Bruk ramik brei kareik bambang Mblang kapal ahaok par dunya Liên Khương meng harei 4/3 tal harei 25/8/2026 piah pasiam, pakajap jalan ahaok par daok ba tabiak rilo kan kandah brei ka gah jirah rivang tinh Lam Dong, dalam nan hu pasak jirah rivang Da Lat. Min, dalam kan kandah nan, karja saong gah dom jabat ngak bruk di bhum palei daok srap gap duah jalan langyah piah ka gah jirah rivang patui bruk “peih siaok par” meng jalan radaih.

CHAM.VOV.VN - Pacang caga, sangka saong paglaong prein yava rahra bhap bini tuk halei jeng hu Ndang saong Karja caik hatai iek praong. Rilo jalan ngak, sarak hu makna hu ba tabiak saong patagok, rilo meng lac bruk paglaong asar siam y te di labik hu daong mek hu jak jeng dalam bruk sangka prein yava bhap bini. Kadha di urang ngak bruk angan Thạch Hồng daok di xa Lai Hòa, ban raya Can Tho – labik hu labaih 72% rahra lac urang bangsa Khmer diuk rai:

CHAM.VOV.VN: Ba hatai jai, hadah krah, abih drei haong rilo danak dak bruk ngak, nan lac sa-ai Nguyễn Ngọc Hiếu (umor 35 thun), Bi thu Kapul Dam dara phuong Đạo Thạnh, tinh Dong Thap – urang jakar Kapul ndoan di labik biak naih gheih hu urang dalam kapul ndoan, dam dara saong rahra, pakat uy, karja palei je tame, taong yaom glaong ka hatai halan tian ka bhap bini.

CHAM.VOV.VN: Tukvak bahrau di ini, kayau kalin kan di Trung Dong, yaom minak sang, tagok trun gam gam, halau kaya tamo kurang, yaom kaom glaong ba tui logistics tagok glaong ba susah brei ka ngak mbang patabiak ndap nda kaya kan, susah brei ka bruk pablei salih di urang ngak mbang di tinh Dong Thap. Kayua yau nan ye, dom urang ngak mbang blei salih njauk kham marat yam tapa susah kan kandah, duah jalan pakurang yaom kaom jien ndo, paglaong yaom kaya ngui ngak tabiak, piah hu kandaong jeng ye patagok bruk ngak mbang.

CHAM.VOV.VN: Piah ka bruk ngak mbang blei salih di banraya Ho Chi Minh tagok 2 anek angka, bruk oh lac njauk cang hu dom jien ndo buh tame blaoh nyu mai meng the che cara jalan ngak dan song mblang buh jien yau habar. Nan ieu lac sap mayai ndom di urang ilamu hu angan gah kinh te brei thau ka bruk ngak mbang blei salih di banraya dalam tuk khik kajap karo nang luong.