VOV4.VOV.VN - Mbang padeih lễ 30/4 saong 1/5 thun ini, doanh nghiệp brei padeih 4 harei min rilo urang ngak di TP.HCM oh nao palei. Kayua rai diuk kan kandah nan ye rilo urang palih ruah daok veik piah patak pataom jien ndo, caik tukvak ma-in chreih bui haong gauk tian, ayut sahabat, padeih padei piah pabak veik pren yava, caga ka mbang “tăng ca” tuk doanh nghiệp taduan hu rilo harak pambuak bruk bahrau.

VOV4.VOV.VN - Meng hu 103 rabau urang Low daok diukrai, Quận 11 lac labik hu urang Low daok rilo abih dalam TP.HCM. Tukvak tapa, Quận 11 hu rilo jalan ngak gheih dalam dui pachreih, rik daong pathau khan sarak, jalan ngak, adat, hukum di Đảng saong karja, ieu pataom rilo mikva urang Low pachreih tui dom bruk ngak, bruk jak ba di puk palei. Sa dalam dom bruk hadah lac dom Kapul urang pathau khan sap Low daok ngak bruk hu siam lagaih, jeng talei pambuak hatai jia di karja, kapul nyaom haong bhap bini urang Low. Urang vak Ngọc Xuân, lac urang vak di rayo sap ndom VN hu kadha vak brei thau ka bruk nan, da-a mikva saong taong abih gauk tui pang:

VOV4.VOV.VN - Tukvak tapa, Bình Thuận hu ieu pataom tame bruk di abih hệ thống chính trị, kak trách nhiệm di urang dang akaok, peih ngak dom bruk, dom jalan ngak piah pacang cakak, patrun patakik bruk gilai kapal ikan taong cap suan adat hukum di bhum tasik negar langiu. Kadha vak di Đoàn Sĩ, urang vak di rayo sap ndom VN daok di TP.HCM:

VOV4.VOV.VN - Salih ka bruk ndik lamen, tuai damuai tuk mai tal Bein Negar Yok Đôn, huyện Buôn Đôn, tỉnh Đắk Lắk hu tame glai ravang iek, duah thau dom bruk ngak, nao mai daok dang yaok harei di lamen, maong iek lamen meng atah, tui iek nyu mbang menyum, menei ia, nao mai dalam glai... Lamen oh daok njauk kak talei sring di takai atau cuk tagok ka-ing baoh bàn kayau piah pajeng tuai du lịch. Ini lac dom siam lagaih brei ka dom drei lamen sang dalam danak dak ravang me-in siam mekre haong lamen daok hu peih tabiak ngak di Bein Negar Yok Đôn dalam jaik 6 thun tapa.. H Xíu, urang vak di rayo sap ndom VN hu kadha vak ndom tal bruk ravang me-in biak gheih ini.

VOV4.VOV.VN - Mai meng El Nino nyu ngak ka labaih 28.000 ha glai di tỉnh Bà Rịa - Vũng Tàu daok biak mbuan si khuah (lac pakat 5). Bol bhap rahra, urang jakar haong gah khik iek glai di tỉnh daok dalam bruk paglaong hatai sangka, khang drei khik glai, pacang apui. Kayua lac tuk ini, apui khuah glai tuk halei jeng hu. Lưu Sơn, urang vak di rayo sap ndom Viet Nam daok di TP. Hồ Chí Minh hu kadha vak brei thau ka bruk njauk báo động ini:

VOV4.VOV.VN - TP. Cần Thơ daok kham merat padang angan mã số bhum pala durian piah pablei dalam taneh ia saong pablei tapa negar langiu. Piah hu bhum pala tani tanat, rilo Cty, doanh nghiệp hu cap tangin haong rahra buh jien tame padang ngak labik pala, daong ilamu kỹ thuật saong blei veik baoh durian piah pablei tapa negar langiu. Min tukvak jaik ini, daok hu bruk blei salih baoh durain daok mada, saong yaom kaom trun tagok meng dom urang blei salih ngak srau kadau darak pasar, ngak kan kandah tal bruk padang angan saong ngak tayah dom bruk pala ngak khang kajap. Kadha vak di urang vak Phạm Hải hu ndom ka bruk ini.

VOV4.VOV.VN - Hadei di jaik 6 thun peih ngak danak dak “Yaok xa sa pandap” ieu panak lac danak dak OCOP, dom pandap angan je di yaok bhum palei di tỉnh Đắk Lắk dak harei dak padang hu angan saong hu labik dang di darak pasar. Jalan ngak ba kaya nong bhum palei meng palei pala yam tabiak “tasik praong” jeng hu tỉnh Đắk Lắk kham marat peih ngak. Rilo pandap panda OCOP pablei tabiak negar langiu hu jeng lac “lambaok” ndung bak asal kadha “kaya nong hu chat luong” di Đắk Lắk hu tal tangin urang blei pandar di dunya. Hương Lý, urang cih wak di rayo sap ndem VN hu kadha vak khan brei thau ka siam lagaih meng danak dak ini:

VOV4.VOV.VN - Yaok mbang tal tuk raya rija tết, bruk yaom kaom harak kapal haok dalam nagar ngak ka dom gah ngak mbang gah rivang main glaih glar, duh hatai. Harei raya 30/4, harei 1/5 haong bilan padeih pandiak thun ini, dalam tuk dom hang kapal haok patakik kapal haok, takik veik jalan haok par jeng ye yaom jien blei harak tagok glaong, ngak ka urang ngak mbang gah rivang main ralo duh hatai, duah jalan payeng rup. Daok bhap bini ye jak gauk nao main jirah langiu nagar. Kadha wak di Tỷ Huỳnh, urang wak di Rayo sap ndom VN daok di Banraya HCM brei thau ka bruk ini:

VOV4.VOV.VN - Piah daong bhap bini rahra oh kurang susah kandah kan kayua kurang ia taba pandar tuk tua raya thu lagu, tanah njom ia mbak daok rah tabiak di bhum kraong Mekong, Mintri Tư lệnh Quân khu 9 patacei Lữ đoàn Vận tải 659, Cục Hậu cần Quân khu brei 3 baoh kapal meng ban Cần Thơ pajeng labaih 1.700m3 ia taba gam haong dom ndap nda padang ia brei ka rahra di dom puk palei di tỉnh Cà Mau. Phạm Hải, sa urang di Rayo TNVN wak khan brei thau bruk ngak bak dom hatai di Rahra – Rajabol ini:

VOV4.VOV.VN - Yaom lac bahrau tame bilan pandiak, min negar drei hu labaih 10 ribau urang njauk ruak tangin takai cambuai, 15 ribau urang ruak pandiak tabiak darah, yaok ratuh urang njauk ruak ndaih baoh, patuk. Taphia di nan, negar drei jeng mbang camriep abih hu 1 urang ruak kum A/H9N2 di tỉnh Tiền Giang. Dahlau di nan, sa urang ruak lac likei metai kayua kum A/H5N1 di tỉnh Khánh Hòa. Dom jit ruak bilan pandiak daok caik tabiak dom bruk hagait ka gah y tế pacang caga saong rahra?