CHAM.VOV.VN: Meng sa xa bhum ceik daok rilo kan kandah, xa Phú Vinh, tinh Dong Nai hu “salih bahrau” meng danak dak palei pala ngak nong bahrau. Hatang sang danaok jalan mbak praong laneing lanoi, bruk ngak mbang lagaih sahnang brei ka raidiuk rahra hu paglaong cambaih laih. Ini lac bruk karo kajap ka dom bruk cakrok patagok samar jang dalam harei hadei. Kadha di urang ngak bruk di Rayo Sap ndom Viet Nam.

CHAM.VOV.VN- Durian hu brei mboh labik dang di drei dalam dom janih phun mbang baoh hu pala rilo di bhum Taneran kraong Cuu Long dalam nan hu Can Tho, ba mai jien mek tame ka urang ngak nong. Dalam nan hu lac meng tuk darak pasar Trung Quoc peih pambang ka bruk blei tame baoh durian di Viet Nam, ndap nda pablei tabiak cakrok patagok samar drah, ba durian jeng janih hadah di gah ngak nong negar drei. Kadha di Tấn Phong – Urang ngak bruk di Rayo Sap ndom Viet Nam hu jabat di Bhum Taneran kraong Cuu Long.

CHAM.VOV.VN - Lac sa tinh hu rilo urang bangsa takik, tinh Khanh Hoa jeng daok rilo rahra gaok kan kandah ka bruk ngak mbang jien padai. Gam saong mikva, yaom lac tanut jien bac urak ini oh hu rilo, min tuk kuhria taong abih dom bruk pandar jien karei ye jeng lac sa bruk ngak kateik geik jien padai rilo. Kuhria meng thun bac ini, dom adei anek saih bangsa takik hu sahnang hatai nao bac tuk hu rilo sarak bahrau hu ba tabiak. Minh Triều, urang pambuak bruk hu kadha ndom mayai ka bruk ini di tinh Khanh Hoa

CHAM.VOV.VN: Bhum palei dalam Ban raya Ho Chi Minh bahrau daok dak harei dak hu salih mbaok meta meng japan buh jien tame tani tanat sang danaok jalan mbak hatang ilamo ky thuat. Dom bhum palei bhum atah bayah urak ini hu dak harei dak patagok kinh te, paglaong raidiuk rahra, abih di nyu dalam nan lac hu brei ka mikva urang bangsa takik. Kadha di urang ngak bruk di Rayo Sap ndom Viet Nam.

CHAM.VOV.VN: Di dalam kreih bhum taneh ceik glai Tay Nguyen, labik sap angin yuk angaok apuh, sap ia craoh nduac roh raih trun takai ceik, hu sa sap yava biak bangi pang, nyuel njac siam mekre – nan hu lac yava sap ndil tut, sa ragam ragu bhap bini bingi hatai di urang Randaiy. Sap yava di ndil tut oh lac sa janih sap ragam ragu, blaoh daok lac sap yava di dalam hatian, lac sa kadha ilamo hu khik ramik saong daok medeih. Urang ngak bruk di Rayo Sap ndom Viet Nam hu kadha: Ndil tut – yau panuac hatian meng ribau thun dahlau di urang Randaiy. Da-a mikva saong taong abih gauk tui pang.

CHAM.VOV.VN: Dalam raidiuk urak ini, di Mbon Knia, xa Ea Tul, tinh Dak Lak jeng danei tagok sap yava bangi pang, gheih ghang ginreih sahanat meng daneing menyim jih dalah. Urang tari taring daok taphia daneing menyim jih dalah hu angan H’Jih Ayun. Dom sap lat kat yau sa ragam tataoh di tukvak, lac yava di ilamo, lac binuk yava di mbon palei hu caik veik tapa rilo rairah. Minh Huệ, urang ngak bruk di Rayo Sap ndom Viet Nam hu kadha brei ka Nghe nhan buh abih tung tian khik ramik binguk yava bruk menyim jih dalah di bhum taneh Tay Nguyen.

CHAM.VOV.VN: Tinh Vinh Long hu taong abih rahra jaik 4,2 trieu urang, dalam nan urang bangsa Khmer hu labaih 8,4%. Rilo thun tapa, bruk khik ramik sap ndom, akhar huroh urang bangsa Khmer tuk halei jeng lac bruk ngak hu makna dalam jalan patagok bruk pato megru saong ilamo di bhum palei. Meng bruk pambuak khang kajap di dom pakat karja, gah pato megru saong bhap bini rahra, dalam nan hu lac di dom sang baha agama Bhat Therawadha Khmer, bruk pato saong bac akhar huroh Khmer mek hu rilo jak jeng lagaih. Da-a mikva saong taong abih gauk pang kadha di Thanh Hòa hu ba tagok harak mbao ndien tu Thong tan xa VN.

CHAM.VOV.VN: Palei Bót Chếch, xa Song Loc, tinh Vinh Long dahlau diah ieu lac labik ngak cach mang, sa labik hu ralo urang bangsa bhap bani Khmer. Rai diuk di mikva bhian gaok rilo kan kandah kayua jalan mbak nao nao mai, ndien gom oh ka hu padang ngak, kaya ngak tabiak tabiak meng hamu apuh jeng kan si pablei.Meng harei peih ngak Danak dak padang ngak palei pala bahrau, bhum taneh ini salih bahrau mbaok meta. Sa dalam dom urang rik daong pren yava prong ngak brei salih bahrau nan lac ong Sơn Sang. Kadha vak di urang daok di rayo VOV.

CHAM.VOV.VN: Dalam thun bac 2025-2026 di Ban raya Ho Chi Minh hadei di tuk ba pataom, dom sang bac oh lac sa janih padang ngak dom duk bilik bac bahrau, sang bac bahrau, buh jien tame ngak paglaong baoh kadha jeng siam mekre di bruk pato megru blaoh daok pamaong tal jalan ngak panduan salih taka. Kadha di urang di Rayo sap ndom Viet Nam ka dom salih bahrau di gah pato megru.

CHAM.VOV.VN - Di labik gah Meraong Khanh Hoa hu langik tasik pandiak, takik hajan, jeng meng hu yau nan nyu gilac gaih piah ka dom janih phun jru cak rok, dalam nan hu phun ndil lang – phun jru siam di dalam gilang gru jru meng kan di Viet Nam. Ngan saong jalan mong iek patagok phun jru pambuak pagam haong pacang khik glai saong ngak jeng jalan ngak mbang khang kajap brei ka bhap bani, dom xa gah Meraong Khanh Hoa daok peih bruk pala phun ndil lang ala dhan phun glai. Kadha di urang pambuak bruk saong VOV angan Minh Triều sa urang daok di Khanh Hoa, daa mikva saong taong abih gauk tui pang.