CHAM.VOV.VN: Gam tui hu hatai anit ranam brei ka ilamo bangsa, dalam nan hu ragam ragu ndan tính saong adaoh then, sa-ai Đinh Thị Yến, urang bangsa Tày daok di palei Tân Sơn, xa Lương Sơn, tinh Lam Dong hu saong daok daong prein ka rairah sit thun umo dalam bruk khik ramik saong pambak tabiak ilamo bangsa. Kadha di Jasi – urang ngak bruk daok di Ban raya Ho Chi Minh saong urang pambuak bruk harak Mbao Pasar sap Papar binguk Lam Dong.

CHAM.VOV.VN: Dalam tukvak blaoh tapa, meng bruk buh jien tame di Karja, rilo bhum palei bhum urang bangsa takik saong bhum ceik hu paglaong co so ha tang samu gauk, gam haong di nan peih bruk siam lagaih dom bruk mbang ngui saong daong ngak mbang. Meng di nan, mbaok meta palei pala bhum ceik dak harei dak tagok, raidiuk daok dang di mikva oh padeih siam makre saong paglaong. Kadha “pamaong tal Nyaom roya Ndang” harei ini, da-a mikva saong taong abih gauk pang kadha ndom ka bruk ini:

CHAM.VOV.VN - Urang ngak kong bhian gaok rilo ruak dalam bruk ngak, ruak dui suai min takik kuhria nao iek ruak dalam masa dui atah. Bruk ini oh lac ngak kan kandah tapak tal prein yava blaoh daok ngak brei patrun bruk baoh ngak siam ngak jeng, tagok jien padeih padei ruak saong salih urang ngak ka gah ngak mbang. Kayua yau nan ye, sangka iek glang brei ka prein yava urang ngak kong bhian dak harei dak hu maong yau sa anek kier gai taik piah gam pacang khik urang ngak bruk, gam khik kajap bruk patagok tani tanat saong dui suai atah di gah ngak mbang pablei salih. Kadha di urang ngak bruk di Rayo Sap ndom Viet Nam

CHAM.VOV.VN:Labik gah Pur Ban raya Ho Chi Minh (Ba Ria – Vung Tau klak) hu mentri ilamo Khoa hoc saong ngak Kong ruah ngak labik akaok meti di Pur Meraong Negar dalam danak dak peih ngak net zero. Labik ini daok kham merat haong jalan patagok hacih hijao, padang sa gah kinh te karo kajap, gam saong bruk pacang khik alam langik. Kadha di Lưu Sơn.

CHAM.VOV.VN- Yaom lac oh njauk phun pala rilo abih di dalam bhum, min mai meng bruk ngak dahlau di dom urang ngak nong khin sahaneng khin ngak, phun li-u hu tamuh siam hijao di taneh Tay Ninh. Meng bruk kham hatai di urang ngak nong ba tal bruk ngak jeng hop tac xa ngak khang ka gah ini, li-u huu co Tay Ninh oh lac peih tabiak jalan pablei tabiak bo daok pagam haong bruk rah rivang sinh thai, ngak jeng bruk bahrau ka gah ngak nong di labik gah Pei Mraong tapen negar.

CHAM.VOV.VN - Hadei di pagam, tinh Khanh Hoa hu jaik 300 ribau rahra urang bangsa takik, rilo abih dalam nan daok di dom xa bhum ceik daok rilo kan kandah. Karja Tinh brei thau, patagok karo kajap dom bhum rahra urang bangsa takik ini ieu lac sa di dalam bruk hu makna. Thai Binh, urang ngak bruk di bhum Kreh negar hu kadha ndom mayai ka bruk ini

CHAM.VOV.VN: Di dom harei ini, di grauk bhum palei phum soc, di dom baha dalam palei pala urang bangsa Khmer daok di dom tinh Gah Meraong Negar daok ottanot bui sambai tame harei Sen Dolta. Thun ini, Harei Sen Dolta hu angan praong kayua lac nyu hu anagn tame thu 2025 sajarah, taong inem tame bruk salih praong dalam nagar dalam bruk dak ramik jabat bhum palei taneh ia nagar, peih tabiak jaman uak drei tagok khang catang. Kadha di Ngọc Tươi brei thau tal harei raya praong ini.

CHAM.VOV.VN: Di dom harei ini urang bangsa Khmer daok di Can Tho daok uan tabuan taduan raok Sen Dolta. Dak tuk dak mboh chreih chrai sambai bui, suuh suon mboh ralo baoh sang urang Khmer bahrau daong hu sang bahrau gheih ghang karo kajap. Ini lah ieu lac bruk ngak siam di danak dak daok dang mbang ngui di rahra, daong pakaro paglaong raidiuk rahra bhap bini. Thạch Hồng, hu kadha khan brei thau ka bruk ini:

CHAM.VOV.VN: Di dalam thun 2025, labik tapen negar gah Pei Gia Lai brei hu buh jien tame padang dom sang bac gam daok gam bac pambuak pakat tieu hoc saong trung hoc co so. Ngan haong majam aduk bilik bac, labik daok meteh harei, sang mbang huak, mblang me-in gam haong ndap nda kaya hu samu gauk, dom danak dak ini jeng hu salih taong abih labik bac megru di labaih 9.400 anek saih di 7 xa bhum tapen negar, daong khik tani tanat anek saih bac saong peih tabiak kein lagaih bac megru siam jang ka anek kamuan bangsa takik. Kadha di Nguyên Thảo.

CHAM.VOV.VN - “Nyaom roya urang lambaok vakil Ndang bo dom jabat Ndang pakat nagar mbang ka sa, vaktu 2025-2030 brei hu padang di ban ine Ha Noi di harei 24 saong 25/9/2025, hu mbaok di 299 urang lambaok vakil”. Nyaom roya lac sa bruk chinh tri hu makna di kapul Ndang dom jabat ndom meyai langyah jalan kuhria di Ndang, Karja, jabat Trung uong brei ka roh duah panuac kadha, pato pakai urang jakar, pathau khan, harak mbao ba tabiak, jabat hukum glaong saong Jabat Po negar. Urang ngak bruk di rayo Sap ndom Viet Nam hu kadha ndom ka bruk ini