Yaom thanh long meng akaok thun tal ini trun biak biar, gaok tuk mai oh hu thei blei ngak ka rilo bein di pasak pala thanh long Bình Thuận saong Bhum taneran kraong CL meda lac lahik abih. Hu dom sang bein daok kaoh klaak phun thanh long piah salih tapa jalan ngak mbang bahrau. Kadha vak di Kim Sơ angaok harak báo Nông nghiệp Việt Nam ndom ka bruk lac njauk kaoh klaak phun thanh long halei oh. Daa mikva saong taong abih gauk tui pang.

Dom asal kadha dalam danak dak ilamu "Melam Mỹ Sơn ginreih" hu brei mboh veik binah halei nan di sajarah halau gha pasak agama praong abih di taneh ia patao Campa klak meng kan. Meng rilo janih ilamu nghệ thuật, dom urang padang ngak danak dak hu ba urang maong iek yam tapa thun bilan atah dhua piah duah bruk pambuak gauk di saman dahlau haong harei ini, hu maong iek dom gheih mekre di dom bimaong kalan, kakei, pahadar rai hadei khik ramik saong patagok dom yaom glaong urak ini daok hu. Da-a mikva saong taong abih gauk pang kadha vak yaih khan ka danak dak ilamu "Melam Mỹ Sơn ginreih" hu tabiak mbaok mbang camereip di harei 24/3 meng blaoh, saong kuhria ba tame duh ka tuai damuai di dom harei 16 saka ia bulan yaok bilan:

Labaih 30 thun ngak bruk, kak kajap haong gah ilamu, ong Đinh Hài, dahlau daih ngak Yam ndok Sở Ilamu - Thể thao saong Du lịch tỉnh Quảng Nam, lac urang thau cambaih ka dom bruk praong rah tabiak, dom trun tagok di inem krung ilamu dunya Mỹ Sơn. Da-a mikva saong taong abih gauk pang kadha vak di Trần Thường angaok Báo Người lao động piah thau cambaih jang ka labik bimaong kalan Mỹ Sơn saong urang hu buh prein, ba tangin tame khik ramik inem krung ini:

Ma-in hụi lac bruk ieu pataom phun jien hu dom rahra di Cà Mau peih me-in. Min tukvak jaik di ini, bruk ini daok jeng srau kadau tuk hu rilo bruk mbaih - pacah hụi di dom bhum palei dalam tỉnh Cà Mau. Tui nan, ngak ka rilo urang lahik jien padai. Urang vak Trần Hiếu brei thau ka bruk pandik harao ini:

Pathau mikva saong taong abih gauk! Danak dak bruk ngak pakat negar patrun kathaot khang kajap tukvak 2021 – 2025 meda hu peih ngak dalam negar ngan haong yaom phun jien buh tame ngak abih tih lac 75 ribau tỷ đồng. Bruk praong abih di danak dak nan lac peih tabiak jalan ngak mbang duah jien ka bhap bani meng bruk daong brei tapa dom bruk ngak mbang, laghaih haong jalan ngak saong pren khang di puk palei. Ini lac sarak biak siam piah daong ka bhap bani yam tagaok, tabiak truh kathaot, min bruk peih ngak yau habar piah ka urang kathaot mbuan ngak saong halan hatian hu mbaok tame dom bruk patrun kathaot. Kadha vak di urang vak Kim Thanh hu ndom tal bruk ini:

Bilan Ramưwan thun 2022 di bhap bini Cam Bàni saong Islam tỉnh Ninh Thuận hu peih tabiak meng harei 31/3 tal harei 02/4/2022. Ini lac tukvak piah ka mikva pataom gauk gar, pahadar tal ong muk, ong kei, pambuak talei rohim puk palei saong daong ba gauk yam tagok dalam raidiuk. Thun ini, bhap bini Cam Bàni saong Islam dalam tỉnh hu pabak bui sambai jang tuk hu Đảng, kanja caik hatai sangka, daong palagaih piah cak rok patagok bruk ngak mbang. daa mikva saong abih gauk pang kadha vak di Minh Triều, lac urang pambuak haong danak dak hu khan brei thau ka bruk caga raok Ramưwan haong rilo bui sambai, trei sil di mikva:

Xã Suối Trầu, huyện Long Thành, tỉnh Đồng Nai daok dalam bhum kreh di danak dak mblang kapal haoh Long Thành. Ini lac labik njauk giải tỏa abih mbong piah jao mblang taneh ka danak dak praong pakat negar, min urak ini daok hu yaok rituh baoh sang jeng daok dalam kan kandah, glaih glar ka oh nao labik karei hu. Kadha vak di Duy Phương, urang vak di rayo sap ndom VN daok di TP.HCM hu khan brei thau ka bruk ini, daa mikva saong abih gauk tui pang:

Dom thun mai ini, meng khang hatai salih taneh pala phun tabau, bein pala rilo janih phun oh hu kein laba tapa pala dom janih phun karei, nan ye rilo urang nong di bhum taneh Phụng Hiệp - Hậu Giang yam tagok ngak kaya mada. Kadha vak di Tấn Phong- urang vak di rayo sap ndem VN daok di bhum taneran kraong CL hu ndem ka bruk padang dom bhum pala phun mbang baoh biak praong, hu yaom glaong di Phụng Hiệp:

Bilan pilih ruah thun ini, dom sang bac đại học jeng pandar biak rilo jalan ngak piah pilih ruah, meng bruk iek tui mbang pacacah taong yaom prein bac, taong yaom hatai sahneng, iek tui bruk pacacah tamat trung học phổ thông, chứng chỉ bac sap negar langiu pakat dunya… Dom salih bahrau ka jalan ngak saong peih rilo mbang pacach hu jalan tabiak kadha pacacah karei di gauk hu ngak brei tagok rilo jalan hu pilih ruah halei oh atau ngak kan kandah tal dom urang pacacah thun ini? Daa mikva saong taong abih gauk pang kadha vak di urang vak Minh Hường hu ndem ka bruk ini:

Dalam dom thun tapa, bruk thể dục thể thao bhap bini daok cakrok dalam bhap bini urang Cam daok di huyện Bắc Bình, tỉnh Bình Thuận tui rilo jalan ngak, dui pachreih hu rilo rahra hu mbaok tame. Tapa nan, nyu rik daong paglaong prein yava bhap bini piah hu siam mekre dalam bac megru, ngak bruk, jeng yau dak padang jalan diukrai khang kadang, pasiam ilamu, hatai sahneng ka mikva Cam. Jasi – urang vak di rayo sap ndom VN daok di ban raya HCM hu kadha vak ndom ka bruk ini: