Peih ngak danak dak khik siam mekre pandap panda chuỗi pabak kaya nong tukvak 2021-2025, So Ngak nong saong patagok palei pala Đồng Nai pambuak bruk haong Mban khik iek siam mekre pandap panda kaya mbang TPHCM peih ngak Danak dak khik iek, duah thau ka asal di pandap panda kaya mbang meng bruk raong glang tal bruk thik riah, dahlau di tuk ba nao pablei di TPHCM; pandar công nghệ thong tin piah pasang iek catang, ralow menuk ada, baoh, pandap panda kaya nong, khik siam ka pren yava di urang blei pandar, rik daong langyah hu labik pablei ka kaya nong. Kadha vak di Hoài Bắc angaok harak báo SGGP hu ndom tal bruk ini:

Dom harei tapa, hajan hu laik di bhum taneran kraong Cửu Long saong bilan bhang mbak thun 2021-2022 kareik veik, oh ngak khat lahik trak ka urang nong yau bhian mboh dahlau diah. Langiu di bruk lac bilan bhang mbak thun ini oh khang ye bruk kuhria caga pacang cakak ngan haong dom jalan ngak samu gauk hu ba mai siam mekre glaong. Kadha vak di Ngọc Phúc angaok harak báo SGGP hu brei thau cambaih bruk ngak di dom tỉnh, ban di bhum taneran kraong CL piah palagaih haong bhang mbak dalam bruk ngak nong.

Anak dom kan kandah dalam bruk pablei baoh thanh long tapa negar Trung Quốc, urang pala thanh long di Long An daok jhul khang bruk pala thanh long tui chuẩn VietGAP, GlobalGAP, padang mã labik pala, cih vak angan je. Gam haong nan, gah chức năng saong urang nong jeng thau lac, njauk tal tuk brei ngak nong tui jalan hữu cơ, njauk tame hu dom darak pasar kan tame piah caga hu bruk pablei tabiak. Urang pala thanh long mong ini lac jalan siam lagaih piah pambak tame. Vinh Quang, urang vak di ban raya HCM hu kadha vak ndom ka bruk ini:

Huyện Ninh Phước lac labik akaok meti di tỉnh Ninh Thuận peih bruk klauk vắc-xin pacang Covid-19 ka uranaih umo meng 5 tal ala 12 thun daok dalam huyện. Piah ka bruk klauk jru hu siam mekre, salamat, langiu di bruk peih dom labik klauk jru di Pasak y tế huyện Ninh Phước saong dom Balai y tế xã, huyện Ninh Phước daok hu nao klauk vắcxin pacang Covid-19 di dom sang bac bhum urang Cam. Kadha vak di Minh Triều - urang pambuak bruk - brei thau ka bruk ngak ini saong dom kham merat di huyện Ninh Phước piah ka labaih 95% uranaih meng ginup 5 thun tal ala 12 thun dalam huyện hu klauk vắc xin pacang caga Covid-19 dalam thun 2022.

Dua thun tapa, jit ruak rahtabiak sarau kadhau, raidiuk di bhap bini dak kan kandah jang, urang biak caong hu labik daok tani tanat. Yaom lac Kanja hu sarak ka sang danaok min piah hu sa paok jien labaih piah blei sang daok di TP.HCM lac sa bruk biak kan kandah. Mayah hu sarak siam jang, lang talaih dom adat piah dui pachrieh hu urang buh jien tame ngak ye urang hu jien mek tame bier meda hu jalan piah blei hu sang daok xã hội ngan haong yaom mbiah, lagaih. Langiu di nan, bruk padang ngak sang ka urang ngak pah sang jeng lac sa jalan nao njauk kuhria tal. Kadha vak di urang vak Ngọc Xuân, daok di ban raya HCM hu ndem tal bruk ini, daa mikva saong taong abih gauk tui pang:

Bala mblung ia uraniah tuk halei jeng lac bruk duh hatai di yaok baoh sang saong abih menuac sia yaok tuk hè mai. Gam gam dom bruk mblung ia rah tabiak dalam taneh ia dom harei jaik di ini ngak ka bruk duh hatai nan dak praong jang, yau panuac ieu kakei ka bruk khik caga, tui iek uraniah, bruk njauk pabak ilamu pacang caga mblung ia ka uraniah meng baoh sang, tal sang bac saong bol bhap rahra. Yau nan, ngak habar piah patrun patakik dom bruk mblung ia di uraniah, tuk bilan hè daok mai tal? Urang vak Phương Thoa hu kadha vak ndom ka bruk ini. Da-a mikva saong taong abih gauk tui pang:

Bahrau dalam 5 thun mai ini, dalam tỉnh Ninh Thuận hu 87 mbang mblung ia ngak brei 87 adei metai. Piah plaih dom metai lahik pandik harao kayua mblung ia, bahrau ini, UBND tỉnh Ninh Thuận hu peih Nyaom biai ngan saong kadha: “ Jalan ngak piah patrun patakik bruk njauk bala di uraniah, abih di nyu lac bruk pacang caga mblung ia uraniah dalam tỉnh”. Sa dalam dom jalan ngak praong hu ba tabiak dalam Nyaom biai lac dom amaik ame njauk patagok bruk khik iek anek bhik di drei, oh caik ka dom adei menei kraong, menei danao sa drei. Gam haong nan, patagok bruk pathau khan, caik bảng, vak akhar haroh brei thau di dom labik mbuan hu bala, dom labik hu ia xoáy, ia nduac khang. Kadha vak di Minh Triều, urang pambuak bruk haong danak dak hu tame dalam lanyah makna praong di jalan ngak ini:

“Dốc Pha Đin anai naong sa-ai cakaong, đèo Lũng Lô sa-ai takơ anai daoh” – panuac ariya dalam kadha "Hoan hô chiến sỹ Điện Biên" di nhà thơ Tố Hữu byu ngak brei hadar veik jayah praong "dane angan dunya, tatuan megei baoh taneh" di bangsa drei 68 thun dahlau. Harei ini, mala takai ceik Pha Đin sajarah, raidiuk bhap bini di dom puk palei dalam huyện Tuần Giáo daok dak harei dak hadah hadai. Kadha vak di Vũ Lợi, urang vak di rayo sap ndem VN daok di bhum Tây Bắc hu ndem ka prein diukrai bahrau di ceik Pha Đin.

Piah pamaong tal bruk pala phun thanh long hu kein laba, langiu di bruk padang bhum pala, ngak jeng bruk pambuak bhum ye njauk pato pakai piah hu dom urang pala thanh long naih gheih, thau ngak saong peih ngak tui jalan di darak pasa. Hu yau nan, khol drei meng tabiak truh hu bruk pala sit sot, eng drei pala phun thanh long. Kadha vak di Việt Đức, urang vak di rayo sap ndem VN hu ndem ka bruk njauk paglaong ilamu ka urang nong, padang bruk pambuak gauk di bhum pala phun thanh long.

Yaom lac labik ngak padai praong abih dalam taneh ia, min dalam luac tukvak atah, urang nong daok di bhum taneran kraong CL jeng ka oh ngak kaya meda khang kajap hu meng pala padai. Nan lac bruk suh sah oh langyah hu dalam samar drah, min di rilo tinh, ban, urang nong hu saneng mboh bruk salih janih phun pala saong tuk camriep hu lagaih haong jalan ngak bahrau. Kadha vak di urang vak Phong Tùng Duy mangaok mbao Nhân dân ndem ka bruk pala padai hữu cơ di ĐBSCL. Daa mikva saong taong abih gauk tui pang.