Ngan haong kadha “Klah rabha anit ranam”, alin hadiah dom “van huak” bak hatai anit ranam di manuac sia tal dom urang hu rai diuk kan kandah, danak dak “Triệu van huak” kayua MBan gul pataom Kapul dam dara pakat negar peih ngak hu pok brei nagan lac sa dalam 9 danak dak dam dara hadah krah thun 2020. Bruk ini hu ngak jeng pren pambak khang tal 15 tỉnh bal dalam negar ka yaom glaong di bruk kein lagaih, caik veik hatai sahneng siam mekre ka kapul dam dara.

Bal raya HCM hu bruk padang ngak, peih praong biak samar, tui nan bruk caong hu sang daok dak harei dak glaong. Dom quận, huyện atah pasak bal raya hu menuac sia grauk labik palih ruah piah daok. Ini jeng lac labik pablei salih sang “klau gam” (gam sa mblang taneh, gam harak gar brei adat padang ngak, gam sổ hồng) dak harei dak rilo, mbuan ba tal bruk merak guak.

Anak bruk ia mbak njaom tame dak harei dak khang, tỉnh Sóc Trăng hu ba tabiak rilo jalan ngak piah pacang khik padai Đông Xuân 2021 di urang nong. Meng puac thun 2020 tal ini, rilo danak dak pacang ia mbak, khik ia taba hu buh jien tame ngak saong ba tame pandar. Langiu di nan, dom puk palei daok pathau khan, jak ba urang nong ngak padai tui panuac kakei di gah ngak nong, abih nyu lac tuk hu tua riya pandiak bhang, njaom ia mbak.

Anak dom kan kandah dalam bruk dui pachreih urang buh jien tame ngak mbang kayua jit ruak Covid-19, Rilo labik ngak kong di Bà Rịa – Vũng Tàu samar drah duah jalan ngak ka nyu lagaih, pambak tame dom kein laghaih di mạng xã hội piah meyaih khan danak dak, dom sarak daong tal dom urang buh jien tame ngak mbang. Tapa nan, rilo harak pambuak bruk kanar hadar, sanya gauk saong caik jien dahlau piah khik taneh hu peih ngak.

Meng akaok bilan 2/2021 tal ini, yaom thanh long di Bình Thuận mengt 15.000 - 20.000đ sa kg, dalam tuk dahlau di nan sa bilan, janih baoh kayau ini tok pablei hu meng 5.000 - 7.000 đồng sa kg, hu tuk yaom laik trun daok 2.000 - 5.000 đồng/kg. Piah ka urang pala thanh long oh daok duh hatai ka labik pablei, ngak brei grap tanat darak pasar yaom kaom ye brei hu bruk rik daong di rilo gah.

Pathau mikva saong taong abih gauk! Dom thun jaik di ini, dom hợp tác xã dalam tỉnh Ninh Thuận oh lac kham merat salih jalan ngak tui Hukum HTX kiểu bahrau, bo daok kham merat pandar ilamu công nghệ tame bruk ngak, ba bruk ngak, paglaong jien mek tame ka dom urang dalam HTX saong urang ngak. Tapa nan, daong ngak hu dom tanut padang ngak palei pala bahrau paglaong di puk palei, mbluak abih nan lac di bhum urang Cam. Kadha vak “Ninh Thuận patagok bruk ngak di kinh tế hợp tác xã dalam bhum urang Cam” di Ái Nghiêm, urang vak di rayo sap ndom VN daok di bal raya HCM hu daong ka mikva saong taong abih gauk thau cambaih laih jang ka bruk ngak di HTX di bhum urang bangsa takik:

Meng bruk youtube Thơ Nguyễn njauk gah chức năng taong phạt kayua ba tagok clip “likau vía búp bê bac naih” bahrau ini, sa mbang tra menuac sia oh klah di duh hatai anak dom video oh tabiak hagait, kanjah jhak hu biak rilo angaok mạng xã hội meda ngak khut hatai sahneng, jalan ndom puac daok dang di uranaih. Dom video jhak ini nyu ngak khut hatai sahneng di uraniah tal halei, saong ngak habar piah khik caga anek bhik anak dom asal kadha oh siam daok lac bruk pandik akaok di dom amaik ame? Da-a mikva saong taong abih gauk pang kadha vak di urang vak di rayo sap ndom Việt Nam brei thau ka bruk ini:

Dalam dom harei tapa, meng di tuk hu brei thau, danak dak mblang kapar ahaoh Phan Thiết (di xã Thiện Nghiệp, ban Phan Thiết, tỉnh Bình Thuận) hu padang ngak di puac bilan 3 ni, rilo menuac meng dom tinh, bal dalam negar ba gauk mai ni piah pablei salih taneh riya, ngak ka yaom taneh hu jhul tagok glaong tal having akaok, ngak srau kadau puk palei, mbuan ba tal rilo khat lahik ka manuac blei saong manuac pablei.

Bahrau ni, Thủ tướng Nguyễn Xuân Phúc hu pan akaok nyaom biai mbang ka 3 ka cak rok patagok khang kajap bhum taneran kraong CL lagaih haong bruk biến đổi khí hậu di ban Cần Thơ. Gam pan akaok nyaom biai hu UV Mintri Chính trị, akaok UBTWMT negar Việt Nam Trần Thanh Mẫn; UV Mintri Chính trị, Bí thư Thành ủy ban raya Hồ Chí Minh Nguyễn Văn Nên; Phó Thủ tướng Thường trực Trương Hoà Bình; Phó Thủ tướng Trịnh Đình Dũng, urang pan akaok rilo mintri, rilo gah, dom tinh, ban dalam bhum taneran kraong CL, dom chuyên gia, urang ilamo, dom urang pambuak bruk di dunya…Nyaom biai hu ginum biai, taong yaom dom bruk ngak hu, abih di nyu nan lac dom bruk ngak hu praong, dom kan kandah tavak tavaiy, dom ilamo bac megru hu saong ba tabiak dom jalan langyah jhul patagok bruk peih ngak sarak ka 120.

Pathau mikva saong taong abih gauk, yaom lac bruk njom mbak jit ruak Covid-19 daok pacang hu siam, min bruk mbuan njom mbak tabiak rahra lac biak praong mayah khol drei oh pacang cakak saong tui iek hu abih bruk tame negar suan hukum. Di bhum tapen negar tỉnh Nghệ An, urang vak di rayo sap ndem VN brei thau dom kham marat di gah chức năng piah pacang cakak bruk tame negar suan hukum: