Bruk jah tak glai mek taneh pala thanh long di Khu bảo tồn thiên nhiên Tà Cú, huyện Hàm Thuận Nam, tỉnh Bình Thuận daok rah tabiak veik. Rilo phun glai dalam khu bảo tồn ini daok najuk jah tak, kaoh kageik; gaok mai daok hu menuac cao lubang tuh jru hareik tame piah ngak ka phun glai metai, hadei di nan li-ua taneh piah pala thanh long.

Daong yaom radaih buýt nan lac kadha hu TPHCM biak sangka saong hu peih ngak meng thun 2002, ngak brei patagok bruk pajeng ba tuai damuai công cộng, tapa nan ngak brei patrun bruk gar radaih, patrun bala angaok jalan mbak. Baoh jeng siam mekre di danak dak ini jeng hu brei mboh cambaih laih dalam 10 thun peih ngak. Yau nan min, dalam tukvak urak ini, gah pajeng ba njauk peih ngak ralo jalan ngak piah patagok baoh jeng siam mekre di danak dak daong yaom jeng yau patagok jeng bruk pabak hatai caong khin di bruk pajeng ba tuai damuai công cộng.