Rilo tỉnh ban dalam taneh ia dok peih bruk brei dok karei di sang ka dom urang njom Covid-19 ( F0) pabak ginup bruk ba tabiak. Min, F0 njauk ngak catang tui dom bruk batabiak dalam tuk brei dok karei di sang, piah oh njom mbak jit ruak song thau eng drei tui iek pren yava piah ieu gah y tế daong brei chip tuk hu bruk caong. Kadha urang iek ruak adit ni, daa mik va song tong abih duah thau dom bruk F0 brei ngak tui dalam tuk vak brei dok karei pak di sang

Dom urang amaik brei anek mum meyah oh hu pabak ginup dinh dưỡng, oh sangka iek glang aia tasau meda ngak kan kandah biak rilo tal bruk cak rok patagok di uranaih. Uranaih oh tagok kilo kayua oh hu rilo dưỡng chất tame rup meng urang amaik. Kadha Urang iek ruak adit ini, khaol drei duah thau ka bruk dinh dưỡng ginup piah daong ka dom amaik pasiam chất lượng saong pabak ginup ia tasau ka uranaih tapa kadha vak di Thư Kỳ angaok báo điện tử VN Express.

Mikva urang pang rayo anit ranam, Yau mikva saong taong abih gauk bahrau pang, oh njauk lac taong abih dom F0 jeng daok di sang. Piah ka F0 hu iek glang di sang, urang FO nan, lac urang njaom Covid-19 hanjul, oh hu triệu chứng; oh daok metain anek atau hu dom ruak dalam rup, lamek labaih kilo, hu labik daok lagaih, yau ye bilik daok karei…., khin daok di sang saong sanya ngak njauk bruk taong ruak di sang. Dahlau di nan, Mintri Y tế brei tabiak Sarak 4156/QĐ-BYT ka tacei pato iek glang menuac njaom COVID-19 di sang. Min tapa bruk ngak, hu rilo rahra jeng daok hu dom panuac tangi sua caong hu langyah brei thau cambaih jang. Thau njauk ka jalan ngak ini yau habar saong kuhria caga hagait piah ka bruk daok karei, taong ruak F0 di sang hu siam lagaih? Bác sĩ Trương Hữu Khanh, chuyên gia gah ruak njaom mbak hu khan brei thau dom ilamu ka bruk ini tapa tangi sua – javap jalei hadei ini:

Meng bilan 11/2021, bruk klauk vaccine caga COVID-19 ka uranaih hu peih ngak dalam negar ngan haong janih vaccine Comirnaty kayua Pfizer-BioNTech di Hoa Kỳ ngak tabiak. Kadha Urang iek ruak harei ini, daa mikva saong taong abih gauk pang kadha vak di BS. Trần Thu Nguyệt, Viện Y học ứng dụng Việt Nam kakei dom kadha bo dom amaik ame njauk caik hatai dalam tukvak tui iek uranaih hadei di klauk vaccine caga COVID-19:

Urak ni ban raya HCM daok peih bruk klauk vaccine pacang COVID-19 ka uranaih umo mangaok 12 thun. Min, ngan song umo ala 12 thun tuk klauk vaccine bloh mboh yau habar ?. Kadha urang iek ruak adit ni , kol dahlak hu payua tal mik va dom kadha njauk thau ka vaccine Pfizer ka uranaih umo ala 12 thun:

Me-ik sadang lac ruak suai lavik, kan pasiam hu, oh njom mbak, ruak bhian kan thau saong mbuan ba tal dom ruak karei gah tim mạch, thần kinh, meta, thận…Kadha “Urang iek ruak” adit ini, khol drei duah thau ka dom ruak karei tamuh tabiak kayua sadang dalam darah tagok glong suai lavik ngak brei sraw kadau sadang dalam rup pabhap, chất đạm saong limek, meng nan ngak brei trun prein di dom labik karei dalam rup saong jalan pacang caga ruak pambak karei nyek!

Uranaih pandiak, patuk, glaih glar, taglaoh ta-aok... – dom kadha nan dreih yau ruak sru la-ar– bhian hu amaik ame iek ruak di sang. Min, nan jeng lac dom kadha brei mboh ka ruak baoh hatai mbuan ba tal metai lahik di uranaih meyah oh taong ruak samar drah. Kadha Urang iek ruak adit ini, khaol drei pang panuac kakei di urang hu ilamu ka dom kadha brei mboh lac ruak baoh hatai di uranaih!

2 ruak lac pandiak tabiak drah song COVID-19 jeng lac dom ruak njom mbak kan kandah kayua virus ba mai. Abih di nyu nan lac, tuk langik pandiak hajan srau kadau, jit pandiak tabiak drah mbuan si pambak praong, ngak duh hatai ka bruk jit kateik angaok jit.. Kadha urang iek ruak adit ni, kol drei pang panuac khan di dom chuyên gia ka bruk song dom jalan pacang caga:

Anak khaw tin angaok mạng xã hội ka bruk pandar địa long (lac laneng) piah taong ruak Covid-19, Cục khik ramik Y Dược cổ truyền, mintri Y tế ndom lac, urak ni ka oh brei tanut tut angan jru meng kan halei hu địa long hu dong taong ruak Covid-19, saong ka oh taduan hu pathau khan ilamu halei brei mboh nyu siam lagaih dalam bruk taong ruak Covid-19 di laneng. Kadha urang iek ruak adit ni hu dong ka mik va song tong abih gauk thau cambaih jang bruk nan tapa kadha vak di Minh Khang, angaok mbao Sài Gòn Giải Phóng:

Hatai sahaneng huac nao tal sang iek ruak dalam bilan jit Covid -19, oh iew cấp cứu sumu ngak brei rilo urang ruak njauk đột quỵ, gar darah baoh hatai ba tal ruak trak, mbuan metai. Kadha Urang iek ruak harei ini, khol drei pang panuac tacei pato di dom gru jru ka jalan langyah saong cấp cứu ka urang ruak gar darah baoh hatai, đột quỵ dalam tuk jit ruak yau urak ini: