Mikva urang pang rayo anit ranam! Piah pabak bruk mbang me-in di bhap bini, abih di nyu lac di dom dam dara, dom quán nướng tapen jalan tamuh tabiak khang di dom labik hu rilo menuac sia, abih di nyu nan lac di Hà Nội saong TPHCM, hu rilo menuac mbang menyum biak takre. Min pandap piah ngak oh thau meng halei mai, hu ngak oh tani tanat, oh haci hacih…lac dom kadha oh siam ka prein yava meng dom pandap mbang am cuh tapen jalan. Kadha “ndom oh haong pandap mbang oh hacih” harei ini hu khan dom bruk mbuan ba tal jhak ka prein yava:

Langik tasik di dom ban prong yau ban raya HCM dok gam gam njauk nerak trak, abih di nyu lac thun mun ngak jhak oh takik tal pren yava. Rilo menuac pandar khẩu trang yau sa jalan piah khik caga, min oh njauk lac janih khẩu trang halei jeng meda plaih hu thun mun. Daa mik va song tong abih gauk pang panuac kakei di bác sĩ ka bruk palih ruah saong pandar khẩu trang pacang hu thun mun .

Dahlau daih, tỏi tabiak mầm hu maong lac khut saong bhian hu klaak nao. Min urak ini, dom chuyên gia y tế mboh nan lac bruk sahneng suan. Anak meta mboh lac, tỏi tabiak mầm jeng siam ka prein yava.

Me-ik saradang nan lac sa dalam dom janih ruak oh njaom mbak rilo angaok dunya. Urak ini angaok dunya hu labaih 425 triệu urang diuk rai gam haong ruak me-ik saradang. Jien buh tabiak iek ruak me-ik saradang daok jeng naong trak oh lac ka urang ruak, ka baoh sang bo daok lac ka rahra, abih di nyu lac dom urang daok ranaih umo oh patuah njauk ruak.

Ralow sau hu rilo menuac takre mbang, abih di nyu nan lac menuac menyum alak mbia. Min mBan Khik iek siam mekre pandap mbang ban raya HCM bahrau hu panuac kakei bhap bini oh mbang ralow sau, kayua mbang ralow sau lac bruk bhian randap oh siam, njauk klaak nao, abih di nyu lac dalam tuk mbeiok drei tame dunya, piah daong padang rup binguk taneh ia Việt Nam văn minh, hiện đại.

Hu rilo urang pandar hala mbang piah pasiam ruak kalik, pasiam ruak catang tian ka uranaih…min oh thau lac hala meda ba tal oh siam ka prein yawa meyah pandar oh njauk.

Manuac urang drei jeng saneng gia vị dalam ghing yau amariak kalu, saradang, aia mesil,... biak lành tính. Yau nan min, meyah oh caik hatai, dom gia vị ini meda hu jeng chất độc. Dalam kadha “ndom oh saong pandap mbang oh hacih sa-at” harei ini meda daong ka khaol drei thau cambaih jang ka bruk ini:

Hu rilo uranaih njauk dị ứng haong baoh menuk, baoh ada saong bhian pang tui panuac pato meng ong akaok ong kei caik veik nan lac juai ba anek kamal nao klauk jru caga cúm. Yau nan tui dom chuyên gia y tế, dom anek kamar ini hu njauk ba nao klauk jru caga cúm halei oh? Daa mikva saong taong abih gauk duah thau panuac javap jaleiy tapa kadha “Urang iek ruak” harei ini nye:

Sara lac janih bhian hu pandar dalam tuk ngak dom janih ralow saong ikan, hadang. Bruk pandar sara njauk dalam var mbang huak yaok harei hu daong ka urang ngak pandap mbang mboh bingi cambuai. Yau nan min, bruk pandar biak rilo sara, gia vị hu sara saong dom janih ralow, ikan hu sara nyu oh siam ka tim mạch, huyết áp, min mbang taba rilo jeng oh siam ka prein yava. Bruk bhian randap ini lac oh siam dalam mbang huak bo rilo menuac daok gaok. #Sa harei mbang hadom sara lac ginup? Sara atau natriclorua (NaCl) meda lac janih kol drei bhian pandar piah khik, piah ngak pandap mbang yaok harei. Tui chuyên gia dinh dưỡng di Viện dinh dưỡng quốc gia, urang prein yava siam mekre oh tagok darah, oh lamek labaih kilo, oh hu dom janih ruak njauk mbang taba, siam di nyu tok mbang meng 6 - 8g sara 1 harei (dalam nan hu gam sara mbang, ia mesin, bột canh...).

Hu tal 45% menuac sia dunya biak kan ndih, dalam nan hu rilo menuac melam oh ndih hu gam saong pandik akaok ngak kan kandah tal bruk ngak mbang, ngak huak. Ini hu mong lac bruk pren yava di saman ini tuk menuac njuak ruak ini hu gam urang daok ranaih, urang prong saong urang taha umo. Kadha “urang iek ruak” adit ini, khaol drei duah thau ka makna ba tal ruak ini piah thau jalan pacang caga nye!