VOV4.Êđê - Phŭn bruă mdrao mgŭn brei thâo, tĭng mơ̆ng 6 mmông mmăt hruê 10/05 truh kơ 6 mmông aguah hruê 11/05, Việt Nam lŏ mâo 28 čô mnuih mrâo djŏ hŏng klei ruă tưp Covid-19 hlăm yang ƀuôn. Hlăm anăn mâo 1 čô ti sang êa drao mdrao klei ruă krĭng hlơr gưl dlông, 13 čô ti Bắc Ninh, 7 čô ti Vĩnh Phúc, 5 čô ti Bắc Giang, 1 čô ti Lạng Sơn và 1 čô ti Hải Dương. tĭng truh kơ 6 mmông aguah hruê 11/05 ala čar Việt Nam mâo kluôm 2.056 čô mnuih mâo klei ruă hlăm ala čar lehanăn 1.433 čô mnuih ruă mŭt hlăm ala čar. Ênoh mnuih ruă mrâo tĭng mơ̆ng hruê 27/04 truh kơ ară anei mâo 486 čô mnuih. Tĭng truh kơ 4 mmông tlam hruê 10/05/2021, kluôm ala čar mâo klei tlŏ mgang vaccine gang mkhư̆ klei ruă tưp Covid-19 gưl tal 1 lehanăn gưl tal 2 hlăm 892.454 hnơ̆ng vaccine, mâo hlăm ƀrô 97%. Phung mâo klei tlŏ mgang jing phung knuă druh, phung mă bruă mdrao mgŭm dôk mdrao kơ dŭm čô mâo klei ruă tưp Covid-19, dŭm čô mă bruă mdrao mgŭm dôk hlăm bruă tui mă, ksiêm mkă kman, dŭm čô mnuih hlăm êpul Covid-19 hlăm yang ƀuôn. Êpul gĭt gai bruă gang mkhư̆ klei ruă tưp Covid-19, kahan ksiêm, lĭng kahan.