VOV4.Êđê - Tĭng truh kơ 6 mmông aguah hruê 6/5, Việt Nam lŏ mâo 8 čô mâo klei ruă tưp Covid-19 mrâo (mnuih ruă 3023-3030) ti sang êa drao prŏng mdrao klei ruă krĭng hlơr hlăm anôk mdrao 2. Ară anei ala čar Việt Nam mâo hŏng ênoh 1.634 mnuih mâo klei ruă tưp Covid-19 hlăm ala čar, hlăm anăn ênoh mnuih ruă mơ̆ng hruê 27/4 truh kơ ară anei jing 64 čô mnuih. Tĭng truh kơ 4 mmông tlam hruê 5/5, mâo hlăm ênoh 675.956 čô mnuih jing phung knuă druh, phung mă bruă mdrao mgŭn dôk mdrao kơ dŭm čô mnuih ruă klei ruă tưp Covid-19, dŭm čô hlăm bruă mdrao mgŭn dôk hlăm bruă tui duah, ksiêm mkă kman, dŭm čô hlăm êpul Covid-19 hlăm yang ƀuôn, êpul bruă gĭt gai bruă gang mkhư̆ klei ruă tưp dŭm gưl, dŭm êpul êya kahan ksiêm, lĭng kahan dưi mâo leh klei tlŏ mgang vaccine gang mkhư̆ klei ruă tưp Covid-19 tal 1 lehanăn tal 2.

Y Khem pô mblang