VOV4.Êđê- Klei bi kƀĭn tal 3 čiăng hrŏng ruah, hưn mthâo anăn mơ̆ng dŭm êpul êya, anôk bruă ti Gưl dlông djăp hnơ̆ng čuăn mgơ̆ng ruah ngă pô bi ala Quốc hội gưl 15 mkŏ mjing hlăm aguah anei, hruê 16/4 ti Hà Nội. Klei bi kƀĭn tal 3 ti gưl dlông mâo Êpul kiă kriê Dhar bruă mặt trận čar kwar Việt Nam mkŏ mjing, gĭt gai čiăng hrŏng ruah, hưn mthâo anăn mnuih djăp hnơ̆ng čuăn mgơ̆ng ruah ngă pô bi ala Quốc hội ti gưl dlông. Klei kƀĭn bi trông, ruah lehanăn bi mklă leh anăn phung bi ala djăp hnơ̆ng čuăn mgơ̆ng ruah ngă pô bi ala Quốc hội. Tơdah amâo mâo klei bi tŭ ư snăn klei bi kƀĭn srăng bi mklă hluê hdră yơr kngan amâo dah mplĕ hră hgăm. Hluê si klei kčah mtrŭn, sui êdi hlăm hruê 23/4/2021, jing 30 hruê êlâo kơ hruê mkŏ mjing klei ruah khua, Dhar bruă mặt trận čar kwar gưl dlông Việt Nam srăng m’ĭt Hră mơ̆ng Klei bi kbiƀn tal 3 lehanăn anăn phung mâo djăp hnơ̆ng čuăn mâo leh Êpul kiă kriê Dhar bruă mặt trận čar kwar Việt Nam hưn mthâo mgơ̆ng ruah ngă pô bi ala Quốc hội kơ Êpul hgŭm ruah khua ala čar lehanăn Dhar bruă kriê dlăng Quốc hội./.

                                                    Pô mblang: H’Nêč Êñuôl