VOV4.Êđê- Klei ruă tưp Covid-19 ti lu ala čar tar rŏng lăn, boh nik hlăm dŭm ala čar hlăm krĭng wăl msĕ si: Ấn Độ, Thái-lan, Lào, Cam-pu-chia hlăk mâo klei dleh ktuê dlăng, ênoh mnuih ruă mrâo, mnuih djiê hlăm sa hruê đĭ nanao. Khua Knŭk kna mrâo mâo hră mơar brei mđĭ ktang bruă gang mkhư̆ klei ruă Covid-19 mơĭt kơ dŭm Phŭn bruă, anôk bruă bi knar hŏng phŭn bruă, anôk bruă hlăm Knŭk kna, Knơ̆ng bruă sang čư̆ êa dŭm čar, ƀuôn prŏng.  Mtă kơ jih jang dŭm Phŭn dhar bruă djŏ tuôm leh anăn bruă sang čư̆ êa dŭm alŭ wăl brei mâo dŭm hdră msir djŏ guôp leh anăn tŭ dưn čiăng gang mkhư̆ klei ruă tưp mŭt leh anăn tưp lar. Dŭm phŭn dhar bruă, alŭ wăl pŏk ngă mtam hră mơar mơ̆ng Khua knŭk kna, mđĭ ktang klei hưn răng hŏng klei ruă tưp, mđĭ bruă klam mơ̆ng pô djă akŏ, ngă bi jăk, mđrăm mbĭt hdră gang mkhư̆ kčah leh hŏng klei blŭ “ gang mkhư̆ jih ai tiê, thâo ƀuh hnưm, bi ktlah hjăn pral, mdrao mgŭn tŭ dưn, msir mgaih bi jih, pral hơĭt boh klei mâo”.

Pô mblang: H’Zawut Ƀuôn Yă