VOV4.Êđê-  Aguah 22/3, Bùi Tuấn Quang- k’iăng khua hlăm Anôk bruă đru čung ba mnuih ƀuôn sang gưl dlông mâo leh klei mă bruă hŏng êpul kiă kriê ƀuôn prŏng PleiKu, čar Gai Lai kơ boh tŭ dưn ngă bruă bi mklă mrô 120-KL/TW mơ̆ng phŭn bruă kđi čar kơ bruă lŏ mtrŭt mjhar, bi mđĭ hnơ̆ng jăk, boh tŭ dŭn kơ bruă rŭ mdơ̆ng leh anăn ngă djŏ hdră bhiăn phŭn mil pô ti gưl nah gŭ.  Hlăm dŭm hruê leh êgao dŭm phŭn, dhar bruă, knŭk kna, Mặt trận čar kwar, dŭm êpul bi ala bruă kđi čar- yang ƀuôn ti ƀuôn prŏng PleiKu dưi mkŏ mjing leh anăn ngă djŏ hŏng hdră bhiăn anăn gưl nah gŭ. Ară anei, 22 să, ƀuôn hgŭm leh anăn dŭm anôk bruă mơ̆ng ƀuôn prŏng mâo klei hyuă kjăp, bi kluôm ênŭm êpul gĭt gai, mkŏ mjing hdră bhiăn leh anăn dăp bruă klam kơ dŭm čô mnuih djŏ hŏng hdră bhiăn. Blŭ leh anăn bi mklă ti klei bi kƀĭn. K’iăng khua hlăm Anôk bruă đru čung ba mnuih ƀuôn sang gưl dlông Bùi Tuấn Quang mnă klă, hlăm wưng ti anăp, ƀuôn prŏng srăng lŏ hyuă kjăp klei bi mklă mrô 120 leh anăn dŭm hră mơar djŏ tuôm hŏng ngă phŭn nah gŭ hŏng klei kluôm ênŭm, mâo boh êlam, mtrŭt mjhar bruă bi mlih klei mă bruă, boh nik hlăm bruă bi tuôm leh anăn blŭ hrăm hŏng mnuih ƀuôn sang.

Pô mblang: Y-Khem Niê