VOV4.Êđê - Hruê 12/4, ti Ƀăng jang knông lăn Quốc tế Xa Mát, čar Tây Ninh, Êpul mă bruă mơ̆ng Anôk bruă gĭt gai lĭng kahan čar Lâm Đồng mâo Đại tá Nguyễn Bình Sơn -  Khua gĭt gai Anôk bruă lĭng kahan čar ngă khua êpul mơĭt leh hră, mđup brei mnơ̆ng hơêč hmưi Têt kơ Anôk bruă lĭng kahan Siem Reap, êpul kahan 4, Êpul kahan ala mtao Campuchia ƀri gưl Tết djuê ana Chol Chnam Thmay. Hlăm boh klei ruă tưp Covid-19 dleh ktuê dlăng, hdră ba jao, tŭ mă mnơ̆ng mâo 2 tĭng hluê ngă djŏ hdră kčah, rơ̆ng bruă gang mkhư̆ klei ruă tưp ti krĭng wăl bi knông plah wah dua ala čar. Đại tá Nguyễn Bình Sơn brei leh hră hơêč hmưi Tết djuê ana mbĭt hŏng dŭm hnư mnơ̆ng leh anăn klei hơêč hmưi jakw siam hĭn truh kơ phung knuă druh, êpul kahan čar SiemReap, Êpul kahan 4, Êpul kahan ala mtao Campuchia drông Tết djuê ana h’uh mđao, jăk mơak.

H Zawut pô mblang