VOV4.Êđê - Anôk kiă kriê bruă Đảng čar mă leh bruă hŏng Dhar bruă ruah khua čar Lâm Đồng kơ hdră ruah pô bi ala Quốc hội gưl XV lehanăn bi ala HĐND dŭm gưl čar Lâm Đồng wưng thŭn 2021-2026. Truh ară anei, hdră ruah khua du\m gưl mŏng čar truh kơ sa, ƀuôn hgŭm dưi hluê ngă djŏ hdră kčah mtrŭn. Kluôm čar Lâm Đồng hluê ngă tŭ jing Klei bi kƀĭn tal 2, mŏng anăn tŭ ư anăn 13 čô mgơ̆ng ruah ngă pô bi ala Quốc hội, 131 čô bi ala HĐND čar, bi ala HDND gưl kdriêk, ƀuôn prŏng mâo 800 čô, gưl să, ƀuôn hgŭm, wăl krah mâo 6.624 čô. Bruă mă klei blŭ ti anôk dôk mŏng pô bi ala Quốc hội lehanăn HĐND dŭm gưl hlăk dôk hluê ngă kjăp djŏ klei kčah mtrŭn. Phung khua kiă kriê čar Lâm Đồng mtă brei mtrŭt mđĭ pral bruă hluê ngă dŭm hdră hlăm gưl ruah khua, mđĭ hdră mtô mblang čiăng mnuih ƀuôn sang thâo klă klei yuôm bhăn mŏng hdră ruah khua./.

H Nêč pô mblang