VOV4.Êđê- Khua knŭk kna mrâo mâo leh asăp mtă 479/CĐ-TTg kơ bruă mprăp kơ klei êrô êbat mơ̆ng mnuih ƀuôn sang lehanăn rơ̆ng kơ klei êđăp ênang hlăm êlan klông ƀri wưng mdei knăm 30/4 lehanăn 01/05/2021. Hlăm asăp anăn bi êdah klă. Hlăm dŭm hruê mdei 30/4 lehanăn 01/05, khua knŭk kna mñă kơ dŭm dhar, knơ̆ng bruă djŏ tuôm, ƀuôn prŏng hlăm gưl dlông hlăm dŭm bruă klam, klei dưi pô srăng mâo klei gĭt gai rơ̆ng kơ dŭm mta msĕ si dŭm bruă ngă dŭ mdiăng mnuih ƀuôn sang, ngă djŏ hdră bhiăn mơ̆ng ala čar hlăm bruă răng mgang klei êđăp ênang hlăm êlan klông, mđi bruă rơ̆ng mgang klei êđăp ênang hlăm dŭm anôk mâo klei êrô êbat lu msĕ si anôk mnia blei, anôh hlăp êlêñ, anôk ƀơ̆ng huă lehanăn dŭm anôk hiu čhưn ênguê mâo duah mâo knăm prŏng. Bi êdah mrô đĭng blŭ čiăng tŭ mă klei hưn mthâo mơ̆ng mnuih ƀuôn sang kơ dŭm klei kyua klei êđăp êang hlăm êlan klông hlăm dŭm hruê mdei anăn. Rơ̆ng čiăng mâo hdră êlan 24/7 čiăng tŭ mă klei mrâo, mgaih msir dŭm klei truh huĭ dah mâo hĕ.

Pô mblang: Y-Khem Niê