VOV4.Êđê- Mâo klei dưi brei mơ̆ng Êpul hgŭm ruah khua ala čar, hruê 4/5, Knơ̆ng bruă ruah khua alačar Bà Riạ - Vũng Tàu mkŏ mjing leh klei ruah khua phung bi ala Quốc hội gưl XV leh anăn phung bi ala HĐND dŭm gưl wưng thŭn 2021-2026 kơ phung knuă druh, lĭng kahan, phung mă bruă mơ̆ng dŭm anôk bruă lĭng kahan mâo Kahan răng mgang bruă mŭt kbiă hlăm ala čar, kahan êa ksĭ, phung dlăng bruă trah mă kan hdang, dŭm pra ktir êa pui leh anăn phung mă bruă sui hruê hlăm êa ksĭ. Hluê si Knơ̆ng bruă ruah khua čar Bà Riạ - Vũng Tàu, kluôm čar mâo hlăm brô 3.122 čô phung bi ala mplĕ hră hnưm jing phung knuă druh, kahan dlăng bruă mŭt kbiă, kahan êa ksĭ, êpul dlăng bruă trah mă kan leh anăn phung mă bruă dôk guôn bruă mă leh anăn mkra mjing sui hruê ti êa ksĭ hlăm klei dưi mơ̆ng Việt Nam, amâo hmao wĭt mplĕ hră ruah khua hlăm hruê 23/5 kơ anăp.

Pô mblang: H’Zawut Ƀuôn Yă