VOV4.Êđê -  Tlam hruê 25/3, ti Klei bi kƀĭn mă klei blŭ kơ bruă hluê ngă Hdră mtrŭn Klei bi kƀĭn bruă Đảng kluôm ala tal 13 kơ hdră đru čung ba mnuih ƀuôn sang, phung bi ala brei mđĭ hdră bi mlih hluê kdrăp mrô hlăm bruă đru čung ba mnuih ƀuôn sang. Sa hlăm dŭm mta kñăm mŏng Hdră bruă đru čung ba mnuih ƀuôn sang hlăm wưng ti anăp jing kƀĭn hyuă kjăp, mtô mblang kơ Hdră mtrŭn Klei bi kƀĭn tal 13 mŏng Đảng kơ bruă mđĭ lả ai ktang klei bi hgŭm mguôp djuê ana, ngă phŭn mil pô hluê hdră êlan yang ƀuôn ngă phŭn. Bruă phŭn jing brei hluê ngă djŏ klă, tŭ dưn, mnuih ƀuôn sang ngă phŭn, mnuih ƀuôn sang ngă pô bi ala. Ti anôk bi kƀĭn, phung bi ala lač, dŭm anôk bruă, êpul êya bruă kđi čar brei mjing djăp klei găl kơ mnuih ƀuôn sang nao hgŭm bi mklă dŭm hdră mtrŭn, mđĭ klei đua klam ksiêm dlăng hlăm bruă hluê ngă dŭm hdră mtrŭn, hdră bhiăn lehanăn msir mghaih klei akâo čiăng mŏng mnuih ƀuôn sang./.

H Nêč pô mblang