VOV4.Êđê - Tui si knơ̆ng bruă sang čư̆ êa ƀuôn prŏng Bảo Lộc, car Lâm Đồng, kluôm ƀuôn prŏng mâo giăm 116 êbâo čô mnuih amra nao hlăm klei ruah khua phung bi ala Quốc hội gưl 15, lehanăn HĐND djăp gưl wưng păn bruă 2021 – 2026, ti 90 anôk mplĕ hră.

Truh ti wưng anei, ti anôk bruă sang čư̆ êa dŭm boh ƀuôn hgŭm, să, alŭ anôk dôk, thâodah ƀuôn sang, lehanăn ti dŭm anôk mplĕ hră, anăn mnuih nao mplĕ hră, lehanăn anăn phung mgơ̆ng ruah mâo mƀlir leh ênŭm, bi ala kơ êpul mkŏ mjing klei ruah khua ti dŭm ƀuôn hgŭ, să čŏng bi ksiêm, lŏ dơ̆ng mbŏ anăn phung nao ruah djŏ hŏng hdră bhiăn klei ruah khua, ngă jih jang djăp bruă răng mgang klei êđăp ênang, lehanăn bruă mdrao mgŭn, bruă mdrơ̆ng hŏng klei ruă tưp, duh kơ klei ruah khua hŏng klei jăk. Bruă mprăp kơ klei ruah khua ti hruê 23/5 mâo ngă leh djăp ênŭm, djŏ hŏng hdră čiăng kơ klei ruah khua mâo klei mpŭ, mâo klei mkiêt mkriêm, êđăp ênang, lehanăn djŏ hŏng hdră mtrŭn mơ̆ng klei bhiăn ruah khua, lehanăn klă sĭt jing klei mơak kơ jih jang mnuih./.

Y Khem pô mblang