VOV4.Êđê- Ti anôk bruă Đảng gưl dlông, Khua gĭt gai Đảng Nguyễn Phú Trọng kiă kriê leh knăm hưn mdah klei bi klă mơ̆ng Phŭn bruă kđi čar mdưm khua kiă kriê Êpul bruă mkŏ mjing gưl dlông lehanăn Khua Anôk bruă đru čung ba mnuih ƀuôn sang gưl dlông. Hlue anăn, Phŭnbruă kđi čar jao kơ aduôn Trương Thị Mai, Khua hlăm phŭn bruă kđi čar păn ngă khua Anôk bruă mkŏ mjing gưl dlông, jao kơ Bùi Thị Minh Hoài, khua hlăm êpul kiă kriê bruă Đảng gưl dlông păn ngă khua Anôk bruă đru čung ba mnuih ƀuôn sang gưl dlông.

Khua gĭt gai Đảng Nguyễn Phú Trọng jao leh hră bi klă lehanăn mđup brei mnga hơêč hmưi kơ aduôn trương Thị Mai, lehanăn Bùi Thị Minh Hoài klam ngă bruă yuôm bhăn kơ Đảng. Bi ala kơ phung đĭ păn bruă, Khua êpul mkŏ mjing gưl dlông aduôn Trương Thị Mai mâo klei blŭ lač jăk kơ Khua gĭt gai Đảng Nguyễn Phú Trọng, lač jăk kơ phŭn bruă kđi čar, kơ Êpul khua kiă kriê bruă Đảng gưl dlông đăo knang jao leh bruă yuôm bhăn mơ̆ng Đảng kơ diñu hlăm wưng păn bruă mrâo./.

Pô mblang: Y-Khem Niê