VOV4.Êđê- Tlam hruê 26/4, phŭn bruă mnuih mă bruă leh anăn mnuih knap mñai hrăm mbĭt hŏng êpul kiă kriê ASEAN, hdră êlan bi mguôp alŭ wăl ASEAN hlăm bruă mtô mjuăt klei mă bruă mkŏ mkra leh knăm bi êdah “klei hưn bruă ksiêm duah hlăm alŭ wăl kơ bruă mđĭ mnuih mă bruă hlăm ASEAN” tui hluê êlan trực tuyến. Klei kƀĭn anei mâo klei nao hgŭm mơ̆ng êpul kiă kriê ASEAN, anôk mâo bruă klam kơ klei mă bruă, mtô mjuăt leh anăn bruă duh mkra dŭm ala čar hlăm ASEAN leh anăn đa đa êpul êya tar rŏng lăn djŏ tuôm. Anei jing bruă čiăng mtrŭt mjhar čiăng tui ngă klei bi klă mơ̆ng ASEAN kơ bruă mđĭ kyar mnuih mă bruă kơ tar rŏng lăn dôk mâo klei mlih. Klei hưn mdah dưi bi êdah čiăng lŏ mtrŭt mjhar bruă tui hriăm jih klei hdĭp mbĭt hŏng dŭm klei thâo mprăp kơ mgi dih. Tui hlue anăn, lŏ bi êdah dŭm bruă ngă gưl alŭ wăl leh anăn gưl ala čar čiăng mtrŭt mjhar hdră êlan mđĭ mnuih mă bruă kơ tar rŏng lăn dôk mâo klei mlih.

Pô mblang: Y-Khem Niê