VOV4.Êđê- Aguah hruê 22/4, Dhar bruă gưl dlông mă leh bruă hŏng bruă Đảng čar Quảng Bình kơ hdră kčah mkŏ mjing dŭm bruă ngă bi hdơr 110 thŭn hruê kkiêng Đại tướng Võ Nguyên Giáp (25/8) gưl ala čar ti Quảng Bình. Hluê si hdră kčah, čar Quảng Bìng bi hgŭm hŏng dŭm dhar bruă, anôk bruă gưl dlông mkŏ mjing Knăm bi hdơr 110 thŭn hruê kkiêng Đại tướng Võ Nguyên Giáp;  Klei bi trông kreh knhâo gưl ala čar bi hdơr 110 hruê kkiêng Đại tướng Võ Nguyên Giáp. Vũ Đại Thắng, Khua bruă Đảng čar Quảng Bình brei thâo, bi hdơr 110 thŭn hruê kkiêng Đại tướng Võ Nguyên Giáp  jing gưl čiăng mpŭ leh anăn hdơr knga kơ klei myơr prŏng prĭn mơ̆ng Đại Tướng hŏng klei bi blah sua mă klei êngiê kơ djuê ana, hluh lir ala čar, mkŏ mjing leh anăn răng mgang čar kwar, bi hdơr klei khăp yuôm bhăn, klei mđing dlăng êlam mơ̆ng Đaị tướng khăp h’iêng hŏng mnuih ƀuôn sang kluôm ala, hlăm anăn mâo mnuih ƀuôn sang čar Quảng Bình.

Pô mblang: H’Zawut Ƀuôn Yă