VOV4.Êđê - Bi hdơr 114 thŭn hruê kkiêng Khua gĭr gai Đảng êlâo dih Lê Duẩn (7/4/1907- 7/4/2021), aguah mbruê, bruă Đảng ƀuôn prŏng Đông Hà, čar Quảng Trị mkŏ mjing leh Knăm myơr kwang mnga ti Knưng bi hdơr Khua gĭt gai Đảng Lê Duẩn. Ti knăm anei, phung khua kiă kriê bruă Đảng ƀuôn prŏng Đông Hà mbĭt hŏng phung knuă druh, mnuih mă bruă ti ƀuôn prŏng lŏ bi hdơr leh kơ klei hdĭp, hdră bruă cách mạng kdrưh k’ăm mơ̆ng Khua gĭt gai Đảng Lê Duẩn. Hŏng klei mpŭ ba dưm kwang mnga ti Knưng bi hdơr kơ Lê Duẩn, phung bi ala bi êdah leh klei hdơr knga, klei lač jăk prŏng prĭn hŏng khua kiă kriê thâo kdlưn mơ̆ng cách mạng Việt Nam, sa čô hriăm hră thâo êdi mơ̆ng Khua gĭt gai Hồ Chí Minh, sa čô anak tŭ kdlưn mơ̆ng ƀuôn sang Quảng Trị mâo leh klei đru mguôp yuôm bhăn kơ hdră mtlaih êngiê djuê ana, hluh lir lăn čar. Ƀri gưl anei, phung khua kiă kriê bruă Đảng čar, Hội đồng nhân dân, Anôk bruă sang čư̆ êa čar, Anôk bruă mặt trận čar ƀuôn prŏng Đông Hà mbĭt hŏng phung knuă druh, mnuih mă bruă bi êdah klei gĭr mđĭ lar ai tiê bi mguôp, tui hriăm lehanăn hluê ngă gru mngač Hồ Chí Minh./.

H Nêč pô mblang