VOV4.Êđê - Aguah mbrue (18/3), ti kdriêk Tây Giang, čar Quảng Nam, Sang mđung asăp blŭ Việt Nam mphŭn ba yua anôk mđung asăp FM čŏng êran hjăn ti Đỉnh Quế, să Tr’Hy, kdriêk Tây Giang, čar Quảng Nam anei jing bruă tal êlâo mơ̆ng Sang mđung asăp blŭ Việt Nam ba yua kdrăp mrâo mrang hĭn čiăng kiă kriê bruă mđung asăp, anăn jing kdrăp mă asăp mơ̆ng vệ tinh, ksiêm dlăng lehanăn gai mơ̆ng kbưi hŏng êlan dăng kông êlan kbưi. Klă klơ̆ng mâo ba yua kdrăp mrâo anei ti Đỉnh Quế đru leh kơ sang mđung asăp blŭ Việt Nam mđĭ hnơ̆ng kjăp, pŏk mlar krĭng mđung asăp blŭ, bi hrŏ ênoh bi liê hlăm bruă kiă kriê lehanăn ba yua kdrăp mă bruă mrâo, ba klei blŭ mơ̆ng Đảng lehanăn knŭk kna mơ̆ng dŭm gưl bruă Đảng, bruă sang čư̆ êa čar Quảng Nam truh hŏng phung ƀuôn sang djuê ƀiă dŭm kdriêk Yŭ Quảng Nam lehanăn dŭm boh čar riêng gah./.

Y-Khem pô mblang