VOV4.Êđê -  Mmăt hruê 12/3, ti ƀuôn prŏng Hòa Bình, bruă Đoàn êdam êra Cộng sản Hồ Chí Minh gưl dlông mkŏ mjing leh Knăm bi tuôm hŏng phung nao hgŭm hlăm hdră bruă êdam êra Cộng sản dŭm ênuk gưl lehanăn bi mni kơ hdră bruă êdam êra êdah kdlưn hlăm knăm mtrŭt mjhar ‘’ 90 thŭn phung êdam êra kluôm ala bi lông kkuh m’ak 90 thŭn Hruê mkŏ mjing Êpul bruă Êdam êra Cộng sản Hồ Chí Minh’’.

Ti knăm anei, phung đoàn viên, êdam êra dưi bi tuôm, mjĕ mjuk hŏng dŭm ênuk gưl knuă druh, phung đoàn viên, êdam êra ba anăp êdah dklưn tuôm ba myơr leh ai hlăk pô kơ hdră bruă êdam êra Cộng sản ti Sang maĭ phŭn pui kmlă Hòa Bình. Blŭ hrăm ti knăm anei, ayŏng Nguyễn Ngọc Lương Khua bruă Đoàn êdam êra Cộng sản Hồ Chí Minh mñă klă: Lŏ čuê knhuah gru mơ̆ng dŭm ênuk gưl êdam êra cộng sản, dŭm êpul bruă êdam êra Hồ Chí Minh lŏ dơ̆ng mtrŭt mjharr, đru kơ phung đoàn viên, êdam êra lŏ hluê ngă dŭm hdră bruă êdam êra đru mkŏ mkra lăn čar./.

H Nêč pô mblang