VOV4.Êđê - Hruê 7/4, ti gŭ klei gĭt gai mơ̆ng Khua gĭt gai Đảng Nguyễn Phú Trọng, êpul khua kiă kriê Đảng mâo leh klei bi kƀĭn čiăng ksiêm dlăng, ngă klei buah mkra hŏng Tất Thành Cang leh anăn Lê Văn Phước. Hlăm dŭm hruê mmông dôk păn bruă khua êmua Đảng gưl dlông, khua bruă Đảng ti ƀuôn prŏng Hồ Chí Minh, Tất Thành Cang mâo klei ngă soh kjham hŏng hdră bhiăn bi kƀĭn mnuih buôn sang hlăm ngă phŭn, klei bhiăn mă bruă leh anăn hdră bhiăn mơ̆ng Đảng, hdră bhiăn mơ̆ng knŭk kna, ngă klei hmăi leh anăn klei luič liê ênoh prăk knŭk kna. dưi mâo klei hmao ƀuh mơ̆ng dŭm anôk bruă kahan ksiêm mơ̆ng ƀuôn prŏng Hồ Chí Minh leh anăn mâo klei bi mklă srăng kčŭt leh anăn krư̆ êjai kyua klei soh: “ngă soh hŏng hdră klei ksiêm dlăng, tlĕ yua mnơ̆ng dhơ̆ng knŭk kna leh anăn truh kơ klei luič liê”. Lê Văn Phước, hŏng bruă klam jing khua bruă Đảng čar, khua hlăm êpul mă bruă Đảng, khua phat kđi sang phat kđi čar Phú Yên ngă soh leh dŭm hdră êlan mơ̆ng Đảng, dŭm bruă ngă sa čô Đảng viên amâo dưi ngă ôh. soh hlăm hdră ksiêm dlăng ngăn prăk, hmăi kjham, ƀơ̆ng ngăn sun, tlĕ mă prăk kăk knŭk kna. mâo klei phat kđi mơ̆ng sang phat kđi Đà Nẵng phat kđi 12 thŭn 6 mlan krư̆ kđăl kơ klei soh ƀơ̆ng ngăn. klei ngă soh mơ̆ng Tất Thành Cang leh anăn Lê Văn Phước jing kjham êdi, lu mnuih mâo klei blŭ jhat, klei mâo jăk hlăm knuă druh, Đảng viên leh anăn mnuih ƀuôn sang, ngă klei hmăi amâo jăk truh kơ klei đăo knang mơ̆ng Đảng. Êpul gĭt gai Đảng mâo klei bi mklă srăng ngă klei ƀuah hŏng 2 čô anei hŏng hdră êlan brei kƀiă đuê̆ mơ̆ng Đảng.

Y Khem pô mblang