VOV4.Êđê - Tui hria\m leh ana\n hluê nga\ klei m^n, knhuah hd^p, knhuah ma\ brua\ mơ\ng Khua la\n ]ar Hồ Chí Minh jing leh hdra\ brua\ mâo po\k nga\ êlam êdi ti lu alu\ wa\l hla\m ]ar Gialai, boh nik mơ\ng leh Phu\n brua\ kđi ]ar ba mdah hdra\ mtru\n 05 kơ brua\ “Mđ^ ktang hdra\ tui hria\m leh ana\n hluê nga\ klei m^n, knhuah hd^p, knhuah ma\ brua\ mơ\ng Khua la\n ]ar Hồ Chí Minh. Mnuih [uôn sang, knua\ druh, Đảng viên ti ]ar hla\k dôk mđing truh kơ klei mtru\t mjhar anei ho\ng lu brua\ nga\ kla\ s^t.

Tuê êlan Sư Vạn Hạnh, ti êpul 4, phường Hội Thương, [uôn pro\ng Pleiku jing  sa hlăm du\m anôk mâo lu go\ êsei knuă druh w^t  mdei leh bruă knu\k kna. Dlăng kơ tuê  êlan mnga] ta], khuăt mluăt, djăp mnuih [uh kla\ klei hma^ djo\ mơ\ng phung knuă druh sa ênuk gưl dôk hd^p ti anei. Lê Đình Hoè,  sa ]ô knuă druh 72 thu\n mdei leh bruă knu\k kna, brei thâo: ]ia\ng mâo êlan mse\ snei, go\ êsei `u mb^t ho\ng lu phung knuă druh, đảng viên ti anei ba ana\p jang lăn kơ hdră bruă po\k phai, mkra mđ^ ]ia\ng knu\k kna duh bi liê. Hlăm ana\n, kno\ng hjăn sang awa Hoè ba myơr êbeh 120 m2. Đảng viên nao êlâo, [uôn sang hluê tluôn, hdră bruă pral ngă rue# leh, ba [o# mta mrâo ja\k siam kơ jih jang. Lê Đình Hoè la]: “ Đảng, Knu\k kna duh bi liê kơ tuê êlan anei, anăn mâo klei tu\ dưn kơ bruă duh mkra, yang [uôn leh ana\n boh tu\ dưn kơ go\ êsei mơh. Tuê êlan anei êlâo dih kniă êdi, êrô êbat hu^ hyưt. Ara\ anei po\k pro\ng snăn gơ\ jăk leh yơh. Hdră mtru\n djo\ kpă snăn kâo ]o\ng hluê ngă, mb^t ana\n, anei jing klei đua klam mơ\ng đảng viên dơ\ng, bi ba ana\p nga\ êlâo yơh pô”.

Nguyễn Sáu, Khua g^t gai êpul brua\ Đảng êpul 4, phường Hội Thương, [uôn pro\ng Pleiku brei thâo: hdră bruă po\k phai, mkra mđ^ tuê êlan Sư Vạn Hạnh po\k ngă mơ\ng mlan 11/2016. Hdră bruă anei nao ga\n kơ anôk lăn mơ\ng 109 go\ êsei hlăm Êpul 4. }ia\ng hdră bruă hluê ngă mâo boh tu\ dưn, bruă mđing hmư\ klei m^n mơ\ng mnuih [uôn sang dưi hluê ngă êlam h^n. Bohnik gơ\, kyua mâo klei ba ana\p, nao êlâo mơ\ng phung đảng viên hlăm alu\ wa\l dôk, ]o\ng ba myơr lăn ngă mkra êlan. Nguyễn Sáu la]: “ Êlâo h^n, bi mklă jing phung đảng viên leh ana\n phung knuă druh hlăk dôk nga\ bruă, mdei leh bruă knu\k kna jing bi ba ana\p mbe\ mđue# mnơ\ng, ba myơr lăn êlâo hlăm alu\ wa\l, mnuih [uôn sang tui hluê ngă êdei. Mơ\ng klei iêu la], snăn jih jang mnuih [uôn sang ti 2 nah êlan Sư Vạn Hạnh anei bi sa ai s’a\i. Hlăm 109 go\ êsei snăn mâo 107 go\ êsei tu\ ư myơr lăn ]ia\ng jao lăn kơ hdră mkra mđ^, po\k phai êlan, bi 2 go\ êsei akâo đru lo\ ru\ mdơ\ng sang dôk kyua ksi\ng nao truh kơ 1/3 sang digơ\ dôk”.

Hluê si aduôn Võ Thị Hằng, K’iăng khua g^t gai brua Đảng, Khua knơ\ng bruă sang ]ư\ êa phường Hội Thương, [uôn pro\ng Pleiku, wưng mơ\ng thu\n 2015 truh kơ ara\ anei, hlăm alu\ wa\l phường hluê ngă lu hdră bruă mkra êlan phu\n mơ\ng ]ar leh ana\n [uôn pro\ng. Du\m hdră bruă mâo klei hma^ djo\ kơ lu go\ êsei mnuih [uôn sang leh ana\n hdră bruă ]iu hnô, ]uk hli lăn ala jing lu êdi. Hluê si asa\p mtô mơ\ng Awa Hồ, hdră bruă khăgơ\ dleh dlan dưn, tơdah mâo mnuih [uôn sang đru ăt mâo klei tu\ dưi mơh, brua\ Đảng phường mko\ mjing leh Anôk bruă g^t gai, êpul iêu la] mơ\ng mdê kdrê] bruă, mdê kdrê] êlan. Du\m anôk bruă, êpul bruă iêu la] mâo bruă thâo klă kơ boh klei, klei ]ia\ng hmang mơ\ng mnuih [uôn sang, mơ\ng ana\n iêu la] mtru\t mhar ai tiê mơ\ng gra\p go\ êsei. Aduôn Võ Thị Hằng: “ Tui hriăm leh ana\n hluê ngă klei m^n, khuah hd^p Hồ Chí Minh, snăn brua\ Đảng phường c\ih mkra leh hdră k]ah lehna\n mko\ mjing bruă mtô mblang hla\m lar [ar kơ jih jang phung knuă druh, mnuih ngă bruă knu\k kna ăt mse\ mơh mnuih [uôn sang. Hlăm du\m thu\n mrâo êgao,  phường bi mđing kơ bruă mtô mblang, iêu la] mnuih [uôn sang sa ai ho\ng hdră êlan mtru\n mơ\ng [uôn pro\ng ]ia\ng ]uk hli lăn ala. Truh kơ wưng anei, hdră bruă êlan Sư Vạn Hạnh lehana\n êlan Phan Đình Giót mâo êbeh 155 go\ êsei bi tu\ ư ba myơr lăn, mnơ\ng yua ngă mkra mơ\ng go\ êsei ]ia\ng ]uk hli lăn ala, jao kơ anôk bruă po\k ngă hdră bruă”.

Nguyễn Tài, Khua Anôk bruă Mtô mblang bi hria\m bruă Đảng [uôn pro\ng Pleiku brei thâo: mđ^ ktang klei tui hriăm leh ana\n hluê ngă klei m^n, knhuah hd^p Hồ Chí Minh hlăm alu\ wa\l [uôn pro\ng mơ\ng wa\l nah gu\ mtam. Mb^t ana\n du\m klei bi lông la] kơ klei tui hriăm, hluê ngă gru mnga] Awa, [uôn pro\ng mđing kơ du\m  bruă phu\n mâo klei đ^ kyar. Bruă tui hriăm leh ana\n hluê ngă klei m^n, gru mnga], knhuah hd^p mơ\ng Awa siă suôr ho\ng bruă hluê ngă du\m hdră bruă kđi ]ar mơ\ng alu\ wa\l, mse\ si: Duh bi liê, mkra mđ^ hdră bruă nah gu\ [uôn pro\ng truh kơ thu\n 2020; mđ^ ktang bruă kia\ kriê klei êđăp ênang [uôn pro\ng leh ana\n klei êđa\p ênang brua\ ru\\ mdơ\ng  hlăm alu\ wa\l [uôn pro\ng; mko\ mkra kr^ng [uôn sang mrâo ho\ng klei hur har ngă rue# leh hlăm thu\n 2017. Nguyễn Tài brei thâo:“ Mko\ mjing hluê ngă Asa\p mtru\n 05 mơ\ng Phu\n bruă kđi ]ar mguôp mb^t ho\ng Hdră k]ah 28 mơ\ng Knơ\ng g^t gai bruă Đảng ]ar kơ klei mko\ mjing brua\ tui hriăm leh ana\n hluê ngă klei m^n, knhuah hd^p Hồ Chí Minh, mơ\ng ana\n, bruă tui hriăm leh ana\n hluê ngă asa\p Awa lar bra hlăm kluôm alu\ wa\l [uôn pro\ng. Hlăm ana\n, êdah kla\ gru mnga] êdah kdlưn êdi jing êpul brua\ Đảng phường Hội Thương. Phường ngă leh jăk hlăm hdră bruă, hlăm klei iêu la] mnuih [uôn sang ba myơr lăn, po\k êlan”.

Bi mđing mơ\ng alu\ wa\l nah gu\ leh ana\n ho\ng du\m bruă ngă klă klơ\ng, s^t êdi mguôp mb^t ho\ng klei mđ^ kyar mơ\ng alu\ wa\l đru leh kơ [uôn pro\ng Pleiku mâo ba w^t lu boh tu\ dưn jăk siam hlăm hdră bruă tui hriăm leh ana\n hluê ngă klei m^n, knhuah hd^p Hồ Chí Minh hluê si Asa\p mtru\n 05 gưl XII mơ\ng Phu\n bruă kđi ]ar. Anei jing tur knơ\ng yuôm bhăn tal êlâo ]ia\ng [uôn pro\ng kpưn đ^, năng djo\ jing [uôn pro\ng mơ\ng kr^ng Dưr Dap kngư./.

                                                H’Nga pô ]ih hlo\ng ra\k.