VOV4.Êđê - Ƀuôn prŏng Hồ Chí Minh si srăng ngă čiăng dưi bi sĭt djăp mta klei êpa mhao kpưn đĭ knar hŏng dŭm boh ƀuôn prŏng hlăm alŭ wăl Ngŏ Dhŭng Châu Á. Anăn yơh jing klei phung bi ala trông čhai ti anôk bi trông kơ klei kreh knhâo “Tă êlan mđĭ kyar ƀuôn prŏng Hồ Chí Minh wưng thŭn 2021 – 2030 lehanăn anăp truh kơ thŭn 2045” Mâo knơ̆ng bruă sang čư̆ êa ƀuôn prŏng Hồ Chí Minh mkŏ mjing leh aguah mbrue (5/5). Klei bi kƀĭn anei mâo êbeh 80 mta klei bi trông čhai mơ̆ng phung thơ̆ng kơ bruă, phung kreh knhâo, phung khua kiă kriê dŭm phŭn knơ̆ng dhar bruă, dŭm čar hlăm krĭng duh mkra phŭn ti kwar Dhŭng. Jih jang klei čih ba bi trông lač, ƀuôn prŏng Hồ Chí Minh jing pô phŭn ba akŏ hlăm klei duh mkra, mjing ai ktang kơ bruă duh mkra đĭ kyar hlăm krĭng nah Dhŭng, lehanăn kluôm ala. Kyuanăn, klei đĭ kyar mơ̆ng ƀuôn prŏng jing boh kdrŭt kơ klei mđĭ kyar hlăm jih krĭng, lehanăn kluôm ala. Ƀuôn prŏng bi klă leh bruă mđĭ kyar ƀuôn prŏng hlue hŏng hdră êlan kjăp, ƀuôn prŏng thâo mĭn, nao hlăm klei mđĭ kyar mrô, hluê ngă bruă sang čư̆ êa mrô, yang ƀuôn mrô, mđĭ boh tŭ dưn bruă knŭk kna kiă kriê./.

Y Khem pô mblang