VOV4.Êđê - Bruă Đảng ƀuôn prŏng Hồ Chí Minh mrâo mkŏ mjing klei bi kƀĭn bi hdơr 46 thŭn Hruê mtlaih êngiê kwả Dhŭng, hluh lir lăn čar (30-4-1975 - 30-4-2021).  Ti anôk bi tuôm, khua gĭt gai ƀuôn prŏng Hồ Chí Ming mkŏ mjing klei bhiăn mđup brei klei ktưn hưn knŭk kna “Amĭ Việt Nam jhŏng ktang” gưl 41 hŏng 14 čô amĭ mâo leh ung, anak djiê kơ bruă mtlaih êngiê djuê ana, mkŏ mjing leh anăn răng mgang čar kwar.

Blŭ hrăm hlăm anôk bi kƀĭn, Khua dlăng bruă Đảng ƀuôn prŏng Hồ Chí Minh Nguyễn Văn Nên mñă klă, hlăm hƀuê ênuk mkŏ mjing ala čar leh anăn răng mgang ala čar mơ̆ng djuê ana drei, knăm bi hdơr 30-4-1975 jing sa hlăm dŭm gru kruăk knăl kdrưh k’ăm hĭn, mâo hnơ̆ng prŏng ala čar leh anăn quốc tế. Khua dlăng bruă Đảng ƀuôn prŏng Hồ Chí Ming bi êdah klei hdơr knga, hdơr kơ phung myơr leh ai tiê, tuh êrah mčah klang kơ bruă suă mă klei êngiê kơ djuê ana leh anăn hluh lir čar kwar, kyua klei yâo mơak mơ̆ng yang ƀuôn. Klei anei amâo djŏ knŏng mđĭ lar knhuah gru, mpŭ ênoh yuôm hbuê êbuk đuič ôh  ƀiădah lŏ jing gưl čiăng ba klei khăp, klei kpă ênô, klei čang hmang, klei thâo gĭr,  săn asei kyua čar kwar, kyua yang ƀuôn.

H Zawut pô mblang