VOV4.Êđê -  Knămmơak êdam êra tal êlâo mâo mkŏ mjing hŏng êbeh 200 čô đoàn viên hlăk ai ti ƀuôn prŏng nao hgŭm. Mkŏ mjing knăm anei liăp hlăm klei bi hdơr 90 thŭn hrue mkŏ mjing êpul hgŭm bruă êdam êra Cộng sản Hồ Chí Minh (26/3/1931 – 26/3/2021). Hŏng klei mtă jing: “Ênuk gưl mrâo –thâo bi mguôp lehanăn bi đru”, knăm anei thŭn anei mâo Êpul bruă êdam êra ƀuôn prŏng mkŏ mjing kñăm mjing anôk jăk kơ êdam êra mâo klei bi mguôp, bi đru hŏng lu klei mĭn jăk. Mâo mkŏ mjing hlăm 3 hrue mơ̆ng hrue (26 – 28/3) ti sang Dhar kreh hđeh êlăk hlăk ai, mâo ngă hŏng lu mta bruă: Rang mdah rup 90 thŭn hrue mkŏ mjing bruă êdam êra, rang mdah kơ ƀuôn prŏng Thủ Đức, anôk bi mguôp klei kreh knhâo dhar kreh pia “Gưl êdeh ênuk hlăk mnga; lehanăn jih jang bruă hŏng anăn: “Phung mda asei lehanăn ƀuôn prŏng thâo mĭn” “Hlăk ai rŭ mjing bruă knuă”./.

Y Khem pô mblang