VOV4.Êđê - Aguah hruê 7/5, mkŏ mjing leh Knăm mđup brei mnơ̆ng mơ̆ng Anôk bruă sang čư̆ êa ƀuôn prŏng Hồ Chí Minh mđup brei kơ bruă knŭk kna 2 ƀuôn prŏng phŭn mâo Phnom Penh (Campuchia) lehanăn Vientiane (Lào) čiăng đru kơ ƀuôn prŏng anei hlăm hdră gang mkhư̆ klei ruă Covid 19. Knăm anei dưi mkŏ mjing hluê hdră trực tuyến ti 3 anôk mâo Ƀuôn prŏng Hồ Chí Minh, Phnom Penh lehanăn Viêng Chăn mâo klei hgŭm mơ̆ng Khua anôk bruă sang čư̆ êa ƀuôn prŏng Hồ Chí Minh Nguyễn Thành Phong, Khua ƀuôn prŏng Phnom Penh Khuong Sreng lehanăn Khua ƀuôn prŏng Vientiane Atsaphangthong Siphandone. Blŭ hrăm ti knăm anei, phung khua kiă kriê ƀuôn prŏng Hồ Chí Minh, Phôm Penh lehanăn Viêng Chăn čang hmăng krơ̆ng kjăp klei bi mjĕ jăk siam plah wah bruă knŭl kna lehanăn mnuih ƀuôn sang 3 ƀuôn prŏng, mprăp mtrŭt mđĭ hdră bi hgŭm hlăm djăp mta bruă, boh nik bruă duh mkra, mnia mblei leh klei ruă tưp dưi ksiêm dlăng. Ƀri gưl anei, Khua anôk bruă sang čư̆ êa ƀuôn prŏng Hồ Chí Minh Nguyễn Thành Phong mđup brei leh mnơ̆ng mâo ênoh 50.000 USD kơ bruă knŭk kna grăp ƀuôn prŏng Phnom Penh lehanăn Vientiane./.

H’Nêč pô mblang