VOV4.Êđê - Tlam 12-3, Bruă Đảng čar, HĐND, Knơ̆ng bruă sang čư̆ êa, Knơ̆ng bruă mặt trận Việt  Nam čar Kon Tum mkŏ mjing leh Klei bi tuôm hŏng phung čih klei mrâo, nghệ sĩ, phung kreh knhâo thŭn 2021. Hlăm mmông bi tuôm, bi ala dŭm anôk bruă klei mrâo, phung nghệ sĩ leh anăn kreh knhâo mâo leh lu klei blŭ mguôp hŏng  khau gĭt gai čar Kon Tum. Klă klơ̆ng jing dŭm hdră msir čiăng mđĭ kyar hĭn bruă klam čih klei mrâo cách mạng hlăm boh klei ară anei. Bruă kƀah kdrăp mnơ̆ng leh anăn prăk bi liê ngă bruă mơ̆ng anôk bruă klei mrâo.

Lač kơ dŭm bruă mơ̆ng phung čih klei mrâo, nghệ sỹ leh anăn phung kreh knhâo mđing dlăng, Khua dlăng bruă Đảng čar Kon Tum  Dương Văn Trang  brei thâo, hlăm 5 thŭn kơ anăp, čar kčah hdră kñăm pla mrâo 15 êbâo ha dliê leh anăn jih ai tiê răng mgang ênhă dliê ară anei. Đŭ bi kmhal phung ngă soh hŏng Hdră bhiăn dliê, bi hrŏ ênoh gŏ êsei ƀun hlăm mnuih djuê ƀiă, mđĭ ktang  bruă iêu mthưr anôk bruă duh bi liê čiăng mđĭ bruă duh mkra ala ƀuôn ti čar đĭ kyar.

H Zawut pô mblang