VOV4.Êđê - Tlam hruê 7-4, Knơ̆ng bruă sang čư̆ êa čar Kon Tum leh anăn Sang hră Đại học Tây Nguyên mkŏ mjing knăm bi klă hdră bi hgŭm hlăm bruă mjuăt bi hriăm, ksiêm hriăm kreh knhâo leh anăn ba jao kdrăp mrâo wưng thŭn 2021-2025.

Hdră kñăm jing mđĭ lar klei tŭ klei găl, klei mâo dŭm tĭng čiăng mđĭ kyar hlăm dŭm mta bruă: Bi hgŭm bi hriăm mnuih mă bruă thâo mbruă hluê si dŭm mta dŭm tĭng mđing kñăm ba yua klei găl kơ klei mjuăt bi hriăm mơ̆ng sang hră leh anăn klei čiăng bi hriăm mơ̆ng čar Kon Tum pioh kơ klei mđĭ kyar mbĭt dua tĭng, bi hgŭm ksiêm hriăm kreh knhâo leh anăn ba jao kdrăp mrâo kñăm mđĭ kyar dŭm mta mnơ̆ng dhơ̆ng phŭn, mnơ̆ng dhơ̆ng mâo klei găl mơ̆ng čar Kon Tum leh anăn krĭng wăl Lăn Dap Kngư, mbĭt anăn ba yua klei tŭ mnơ̆ng čŏng mâo hlăm klei bi mlih yan adiê, ba yua leh anăn mđĭ lar klei găl mơ̆ng čar Kon Tum hlăm bruă ksiêm hriăm kreh knhâo leh anăn ba jao kdrăp mrâo, mđĭ kyar djăp bruă kreh knhâo leh anăn kdrăp mrâo, kriê dlăng klei hdĭp, klei suaih pral kơ mnuih ƀuôn sang leh anăn răng mgang dhar kreh djuê ana krĭng Lăn Dap Kngư.

H Zawut pô mblang