VOV4.Êđê -  Hruê mbruê (19/4), dhar bruă dŭm klei mâo hlăm yang ƀuôn mơ̆ng Quốc Hội hrăm mbĭt hŏng êpul phung mniê pô bi ala Quốc Hội Việt Nam, anôk bruă phung bi ala mơ̆ng dhar bruă phung khua êmua Quốc Hội mkŏ mjing leh klei bi trông ti krĭng war dưr “phung mniê mgơ̆ng asei ngă pô bi ala Quốc Hội, HĐND dŭm gưl lehanăn mtrŭt mjhar klei mtăp mđơr mniê; êkei.” Tui hlue klei hưn mdah, hnơ̆ng phung mniê jing pô bi ala Quốc Hội gưl leh anăn hnơ̆ng phung mniê jing pô bi ala HĐND dŭm gưl wưng thŭn 2016-2021 hlăm jih 3 gưl ăt mâo klei lu hĭn mkă hŏng wưng êlâo ƀiădah kă djŏ hŏng hnơ̆ng klei čiăng. Tui hlue klei bhiăn, hnơ̆ng phung mniê mgơ̆ng asei ngă pô bi ala Quốc Hội, HĐND dŭm gưl čiăng srăng dưi rơ̆ng hŏng ênoh ƀiă êdi 35%. Čiăng dưi mâo hnơ̆ng phung mniê lu hĭn mkă hŏng wưng leh êgao, dưi djŏ hŏng klei čiăng jing sa klei lông dlăng prŏng, mâo lu hdră êlan, hrăm mbĭt, mâo boh tŭ dưn lehanăn klei čiăng ngă bruă kđi čar prŏng. Yuôm hĭn jing klei gĭr mơ̆ng dŭm čô phung mniê mgơ̆ng asei ngă pô bi ala Quốc Hội leh anăn HĐND dŭm gưl.

H Zawut pô mblang