VOV4.Êđê- Dhar bruă ruah khua čar Dak Lak mrâo mkŏ mjing klei ba jao anăn 14 čô mâo hưn mthâo mgơ̆ng ruah ngă pô bi ala Quốc hội gưl 15 lehanăn 141 hră m’ả phung mgơ̆ng ruah ngă pô bi ala HĐND gưl 10, hlăm ânn mâo 1 čô čŏng nao mgơ̆ng ruah ngă pô bi ala HĐND čar. Ti gưl ruah anei, čar Dak Lak mâo 3 êpul êya ruah pô bi ala Quốc hội gưl 15 hŏng ênoh pô bi ala dưi ruah maoa 9 čô. Hlăm anăn, 5 čô bi ala mă bruă lehanăn dôk ti alŭ wăl, 4 čô mâo gưl dlông hưn mthâo. Hlăm ênoh phung bi ala HĐND čar Dak Lak wưng thŭn 2021-2026 mâo ruah 75 čô hŏng 20 êpul êya ruah khua, tŭ ư kah mbha kơ dŭm anôk bruă, êpul êya mŏng čar 44 čô bi ala lehanăn mŏng kdriêk, wăl krah mâo 31 čô bi ala. Leh mă hră m’ả anei, Dhar bruă mặt trận čar kwả Việt nam čar srăng ba mdah ti Klei bi kƀĭn tal dua, hlăm hruê 18/3/2021 čiăng bi tŭ ư anăn phung mgơ̆ng ruah ngă pô bi ala Quốc hội lehanăn bi ala HĐND čar./.

Pô mblang: H’Nêč Êñuôl