VOV4.Êđê - Leh alŭ wăl bi êdah mâo mnuih mâo klei ruă tưp Covid-19, knơ̆ng bruă pui kmlă Dak Lak mâo klei pŏk ba yua kdrăp pui kmlă hlăm wưng gang mkhư̆ klei ruă tưp Covid-19. Hruê mmông pŏk yua mơ̆ng hruê 10/05/2021. Tui hluê anăn êpul hlăm bruă ksiêm dlăng hlăm anôk bruă kiă kriê kdrăp pui kmlă Dak Lak dưi mbha jing 2 êpul, bi mlih klei mă bruă hlăm grăp hruê kăm.

Hlăm anăn, grăp êpul srăng mâo 2 blư̆ ksiêm dlăng hlăm sa hruê, mâo nanao klei mprăp srăng bi mlih, đru bruă hdơ̆ng pô. Hlăm hruê mmông mă bruă, dŭm čô mă bruă srăng mâo klei mdei ti anôk bi ktlah hjăn păn hlăm anôk bruă. Bruă bi ktal êpul bruă ksiêm dlăng hnơ̆ng pui kmlă jing čiăng rơ̆ng kơ klei êđăp ênang kơ dŭm kdrăp pui kmlă hlăm wưng klei ruă tưp Covid-19 ƀrư̆ hruê ƀrư̆ dleh ksiêm dlăng.