VOV4.Êđê -Leh 2 gưl bi trông, Knơ̆ng bruă mặt trận čar kwar Dak lak bi klă leh ênoh phung mgơ̆ng asei phung bi ala Quốc hội leh anăn HĐND dŭm gưl. Dŭm alŭ wăl hlăm čar bi leh bruă mă klei blŭ mguôp phung bi ala kơ mnuih ƀuôn sang ti anôk dôk, mđing truh kơ klei bi trông tal 3, mprăp kơ knăm mơak jih jang yang ƀuôn. Hluê si klei ksiêm dlăng mơ̆ng Knơ̆ng bruă mặt trận čar kwar, dŭm klei bi kƀĭn mă klei blŭ mguôp bi mklă klei đaŏ knang mơ̆ng phung bi ala kơ mnuih ƀuôn sang ti anôk dôk mkŏ mjing êngiê, klă mngač, rơ̆ng djŏ hdră kčah.

Truh hruê 12/4, jih jang phung mgơ̆ng asei Quốc hội leh anăn HĐND čar Dak Lak  ăt rơ̆ng hnơ̆ng đaŏ knang, rơ̆ng dưi brei bi trông tal 3 dưi mkŏ mjing djŏ wưng mĭn tĭng. Hlăm klei bi kƀĭn bi trông tal 2, Knơ̆ng bruă mặt trận čar kwar Dak Lak bi tŭ ư čih anăn tal êlâo 12 čô mơ̆ng alŭ wăl mgơ̆ng asei phung bi ala Quốc hội gưl XV leh anăn 138 čô mgơ̆ng asei bi ala HĐND čar. Dak Lak mĭn tĭng srăng mkŏ mjing klei bi trông tal 3 hlăm hruê 16-4.

H Zawut pô mblang