VOV4.Êđê- Hruê bruê 16/4, dhar bruă Mặt Trận čar Dak lak mkŏ mjing leh klei bi kƀĭn phung khua êmua tal 3, hưn mdah boh tŭ dưn mơ̆ng bruă mă klei blŭ lehanăn klei đăo knang mơ̆ng dŭm phung nao mplĕ hră ti anôk dôk, bi tŭ ư hră anăn phung mgơ̆ng asei ngă pô bi ala Quốc Hội gưl 15, lehanăn pô bi ala HĐND čar Dak Lak wưng thŭn 2021-2026. Tui hlue si dŭm hră mtrŭn, hlăm klei bi trông ti klei bi kƀĭn phung khua êmua tal 3. Dŭm čô khua êmua mâo leh klei tŭ ư hră anăn 11 čô srăng mgơ̆ng asei pô bi ala Quốc Hội gưl 15. Klei bi trông ăt mâo klei tŭ ư hră anăn 125 čô mâo ênŭm hnơ̆ng čuăn mgơ̆ng asei ngă pô bi ala HĐND čar Dak Lak, wưng thŭn 2021-2026 bi mbha kơ 20 anôk ruah khua čiăng lŏ ruah 75 čô khua êmua. Dhar bruă ruah khua čar DaK Lak srăng lŏ nao hrăm mbĭt hŏng dŭm čô mgơ̆ng asei kơ bruă iêu mthưr mnuih ƀuôn sang nao mplĕ hră, hưn mthâo kơ phung mplĕ hră kơ dŭm hdră êlan pô čiăng ngă.

Pô mblang: Y-Khem Niê