VOV4.Êđê- Aguah 22-3, bruă Đảng čar Dak Lak mkŏ mjing klei kƀĭn trông čiăng bi êdah klei bi mklă mơ̆ng êpul khua kiă kriê bruă kơ phung knuă druh. Tui hlue anăn, êpul khua kiă kriê čar Dak Lak mâo klei bi mklă srăng tiŏ nao leh anăn ruah mdưm Y Vinh Tơr, pô mkăp mơ̆ng anôk êpul gĭt gai bruă Đảng gưl dlông, khua hlăm êpul kiă kriê bruă Đảng čar Dak Lak, khua bruă Đảng wăl krah Ƀuôn Hồ srăng đĭ djă bruă k’iăng khua bruă HĐND čar mơ̆ng hruê 22/03/2021. Tiŏ nao leh anăn ruah mdưm aduôn H’Lim Niê khua hlăm êpul kiă kriê bruă Đảng čar Dak Lak, khua êpul bruă Đảng čar srăng djă bruă khua hlăm bruă knuă hlăm čar.

Tiŏ nao Nguyễn Thượng Hải khua hlăm êpul kiă kriê bruă Đảng čar Dak Lak, khua hlăm adŭ bruă Đảng srăng djă bruă khua hlăm bruă mkŏ mjing bruă Đảng čar. Tiŏ nao Trần Trung Hiển khua hlăm bruă Đảng čar, khua bruă Đảng kdriêk Krông Hnang srăng djă bruă khua hlăm adŭ bruă Đảng čar Dak Lak. Ƀri hlăm mmông anei bruă Đảng car Dak Lak lŏ tiŏ nao aduôn Lê Thị Thanh Xuân, khua hlăm bruă Đảng čar, k’iăng khua dhar bruă sang hră mơar čar Dak Lak srăng djă bruă hlăm êpul khua gĭt gai bruă Đảng čar, hlăm êpul khua kiă kriê leh anăn ngă khua bruă Đảng wăl krah Ƀuôn Hồ. Jao kơ Y Bi On Niê, k’iăng khua bruă Đảng, khua gĭt gai HĐND kdriêk Krông Hnang srăng gĭt gai êjai dŭm bruă mă mơ̆ng Đảng truh kơ êla mâo khua bruă Đảng mrâo hlăm kdriêk.

Pô mblang: Y-Khem Niê