VOV4.Êđê- Mlăm hruê 25-4, êpul kahan răng mgang knông lăn hlăm knông lăn Dak  Lak thâo ƀuh leh anăn hmao bi ktlah hjăn 13 čô mnuih ƀuôn sang wĭt mơ̆ng Campuchia. 13 čô anei jing phung ƀuôn sang dôk ti kdriêk Ea Sup, găn ala čar Campuchia duh mkra.  Leh klei ruă Covid-19 bluh mâo ti Campuchia leh anăn dleh ktuê dlăng, epul anei wĭt leh ti Việt nam găn ktuê êlan hlăm knông lăn Việt Nam-Campuchia.  

Sa anôk gak răng ti knông lăn Ia Rvê - Dak Lak

Hlăk 12 mmông mlan hruê 25-4, leh êpul anei mŭt hlăm ala čar drei mâo êpul răng mgang knông lăn Ia Rve, kdriêk Ea Sup hiu ksiêm dlăng thâo ƀuh. Leh anăn mtam, jih jang êpul dưi ba bi ktlah hjăn sa anôk ti Anôk bruă mdrao mgŭn kdriêk Ea Sup leh anăn dưi mă mta ksiêm mkă. Klei tŭ ksiêm mkă mơ̆ng Anôk bruă ksiêm dlăng klei ruă tưp čar mlam hruê 25-4 brei thâo, jih 13 čô anei amâo djŏ ôh kman SARS-COV-2 tal 1.

Pô mblang: H’Zawut Ƀuôn Yă