VOV4.Êđê- Dhar bruă sang čư̆ êa car Dak Lak mrâo bi êdah hdră srăng mkŏ mjing hruă čuăn ruah mnơ̆ng dhơ̆ng mkra mjing mơ̆ng ƀuôn sang mâo klei dlưn hĭn hlăm thŭn 2021. Bruă čuăn ruah anei čiăng duah ƀuh lehanăn pah mni kơ dŭm mnơ̆ng dhơ̆ng mkra mjing mơ̆ng ƀuôn sang mâo klei dlưn hĭn, mâo klei jăk, ba yua lu hĭn, mâo klei gal srăng đi kyar, mâo hdră êlan srăng đru lehanăn đĭ kyar, bi mdah mnơ̆ng dhơ̆ng lehanăn mđĭ klei čhĭ mnia, mtrŭt mjhar kơ bruă đĭ yar bruă mkra mjing mnơ̆ng dhơ̆ng hlăm krĭng ƀuôn sang. Mnơ̆ng dhơ̆ng klei klei čuăn ruăh anei amâo dưi soh hŏng hdră bhiăn lehanăn klei dưi djă klei thâo mkra mjing, klei dưi kiă kriê mnơ̆ng dhơ̆ng pô mkra mjing leh. Mâo klei gal srăng mkra mjing lu lehanăn hnơ̆ng lu, dưi djăp ba yua, leh ăn amâo djŏ mnơ̆ng dhơ̆ng hjăn pô. Thŭn 2020 , kluôm čar mâo 14 mnơ̆ng dhơ̆ng mkra mjing mơ̆ng ƀuôn sang mâo klei dlưn hĭn hlăm gưl čar lehanăn 5 mnơ̆ng dhơ̆ng mâo klei pah mni gưl krĭng ti kwar krah - Lăn Dap Kngư.

Pô mblang: Y-Khem Niê