VOV4.Êđê -Hruê 24/3, Anôk kiă kriê bruă Đảng čar Dak Lak mkŏ mjing lrh Klei bi kƀĭn tui hriăm, ksiêm dlăng, hyuă kjăp bruă pŏk hluê ngă Hdră mtrŭn Klei bi kƀĭn bruă Đảng čar gưl XVII wưng thŭn 2020 – 2025.

Ti anôk bi kƀĭn, phung knuă druh, phung khua kiă kriê mơ̆ng čar lehanăn phung knuă druh phŭn ti dŭm alŭ wăl srăng kƀĭn tui hriăm, ksiêm dlăng hlăm 5 bruă phŭn, mâo: Dŭm bruă phŭn hlăm klei hưn mdah bruă kđi čar lehanăn hdră mtrŭn Klei bi kƀĭn bruă Đảng čar gưl XVII, wưng thŭn 2020 -2025; Mđĭ klei thâo kiă kriê lehanăn ai kdơ̆ng mblah mơ̆ng Anôk bruă Đảng kjăp ktang hlăm bruă kđi čar, klei mĭn, hdră mkŏ mjing lehanăn knhuah hdĭp; Mkŏ mjing anôk bruă kđi čar kjăp, mđĭ lar klei ngă phŭn mil pô, klei hgŭm mguôp jih jang djuê ana; Mđĭ klei găl mâo čiăng mđĭ kyar bruă duh mkra – ala ƀuôn pral, h’ĭt kjăp; Rơ̆ng kjăp klei êđăp ênang bruă kđi čar – klei êđăp ênang ala ƀuôn, pŏk mlar lehanăn mđĭ kyar klei bi mjĕ jăk siam hŏng tač êngao. Blŭ hrăm ti knăm anei, K’iăng khua anôk bruă Đảng čar Dak Lak Phạm Minh Tấn mñă klă, Klei bi kƀĭn jing hdră bi mjĕ mjuk bruă kđi čar mâo boh tŭ yuôm bhăn kñăm hluê ngă tŭ dưn HDră mtrŭn Klei bi kƀĭn bruă Đảng čar gưl XVII, wưng thŭn 2020 – 2025.   /.

H’Nêč pô mblang