VOV4.Êđê- Lŏ čuê bruă mkŏ mjing bruă mplĕ hră ruah pô bi ala Quốc Hội gưl 15 HĐND dŭm gưl wưng thŭn 2021-2026. Êpul kiă kriê anôk bruă Mặt Trận čar Dak Lak mkŏ mjing leh klei ksiêm dlăng bruă mplĕ hră ruah khua hlăm dŭm alŭ wăl. Tui hlue klei čih yap. Jih jang alŭ wăl dưi ngă djŏ hdră êlan, leh anăn djŏ hnơ̆ng čuăn. Mơ̆ng hruê 8/4-13/4, êpul bruă anei srăng ngă klei ksiêm dlăng bruă mplĕ hră hŏng dŭm gưl ti kdriêk, să leh anăn êpul bruă Mặt trận hlăm dŭm kdriêk Cư M’Gar, Ea Kar, Krông Ana leh anăn Ea H’Leo.

Boh phŭn klei ksiêm dlăng jing: ksiêm dlăng bruă mkŏ mjing, hyuă kjăp klei bhiăn mplĕ hră, bruă mkŏ mka leh anăn dŭm bruă ngă mơ̆ng anôk bruă mplĕ hră, dŭm êpul êya mâo bruă klam, bruă mă klei blŭ mơ̆ng phung nao mplĕ hră, anôk bruă Mặt Trận čar Dak Lak lŏ nao ngă 2 klei ksiêm dlăng, ksiêm dlăng kơ hră anăn phung nao mplĕ hră leh anăn mprăp kơ keh hră, hră anăn phung mgơ̆ng asei, mghaih mkra hră kčŭt. Hruê mmông ksiêm dlăng mơ̆ng hruê 15/4 truh kơ 30/4/2021.

                                                    Pô mblang: H’Nêč Êñuôl