VOV4.Êđê-  Tlam hruê 9.5, aduôn H’Yim Kđoh, K’iăng khua anôk bruă sang čư̆ êa čar Dak Lak bi mklă, ti alŭ wăl mrâo mâo sa čô djŏ kman Sar CoV2, dưi bi ktlah ti anôk bi ktlah mklin sa anôk mơ̆ng čar, mđĭ ênoh mnuih mâo klei ruă ti alŭ wăl čar mâo 2 čô. Pô ruă anei jing Tr.M.T, kkiêng thŭn 1998, dôk ti sang mrô 189/1/25 êlan Mai Hắc Đế, ƀuôn prŏng Buôn Ama Thuôt, jing F1 pô ruă 3237 djŏ tuôm kơ mnuih ruă mơ̆ng Đà Nẵng.

Ară anei Dak Lak dôk bi ktlah ti anôk bruă mdrao mgŭn 16 čô, 19 čô dôk bi ktlah mklin sa anôk lehanăn 904 čô dôk bi ktlah ti sang. Djŏ tuôm kơ mnuih ruă ti sang mrô 189/1/25 êlan Mai Hắc Đế, ƀuôn hgŭm Tân Thành, ƀuôn prŏng Buôn Ama Thuôt, čar Dak Lak hluê ngă leh hdră kwang dar krĭng mnuih ƀuôn sang dôk ti mrô 189/1/25, tui duah mâo 12 čô F1 lehanăn dŭm êtuh čô F2. Anôk bruă mdrao mgŭn Dak Lak dôk ksiêm mkă dlăng kman kơ hlăm brô 180 čô mnuih. Čar Dak Lak brei leh phung hđeh điêt ti alŭ wăl čar mdei sang hră 1 hruê kăm./.

                                                    Pô mblang: H’Nêč Êñuôl