VOV4.Êđê- Tlam hruê 14-5, H’Yim Kđoh, K’iăng Khua Knơ̆ng bruă sang čư̆ êa čar Dak Lak bi mklă, ti alŭ wăl mrâo lŏ mâo sa čô mnuih djŏ kman SARS-CoV2. Pô anei djŏ tuôm kơ mnuih ruă mrô 3052 ti Bắc Ninh jing ayŏng V.Đ.D, kkiêng thŭn 1971, dôk ti ƀuôn hgŭm Đạt Hiếu, wăl krah Ƀuôn Hồ, čar Dak Lak. Truh hruê 14-5, ayŏng D êngoh hlơr anăn mă mta ksiêm mkă tal 2 leh anăn ƀuh djŏ kman SARS-CoV-2.

  Ară anei bruă mdrao mgŭn čar Dak Lak hlăk mjêč hiu duah phung djŏ tuôm čiăng ngă hdră gang mkhư̆ klei ruă Covid-19. Snăn, ară anei Dak lak mâo leh 3 čô mnuih ruă Covid-19. Bruă mdrao mgŭn hlăk bi ktlah hjăn ti anôk bruă mdrao mgŭn hlăm brô 70 čô mnuih, bi ktlah hjăn ti sang leh anăn anôk dôk êbeh 1.500 čô mnuih.

Pô mblang: H’Zawut Ƀuôn Yă