VOV4.Êđê -Hruê 26/3, ti ƀuôn prŏng Ƀuôn Ma Thuột, dhar bruă sang čư̆ êa čar Dak Lak mkŏ mjing klei kƀĭn trông “Bi mlih mrô - bruă năng mâo kơ klei đĭ kyar”. Hŏng klei nao hgŭm mơ̆ng giăm 500 čô pô bi ala mơ̆ng dŭm dhar bruă gưl dlông lehanăn dŭm čar ti krĭng kwar krah, Lăn Dap Kngư, phung khua gĭt gai dŭm anôk bruă hlăm dŭm alŭ wăl, knơ̆ng bruă, lehanăn êpul bi mguôp hlăm să… hlăm lehanăn êngao čar Dak Lak.

Klei kƀĭn trông mâo 1 gưl kluôm ênŭm lehanăn 2 gưl tui si bruă mkăn, hlăm anăn mâo dŭm akŏ: bi mlih mrô kơ knŭk kna, bi mlih amrô kơ knơ̆ng bruă lehanăn hdră êlan bi mlih klei jĕ giăm tui hluê tur gru amrô. Blŭ gĭt gai ti klei kƀĭn trông, Nguyễn Huy Dũng, k’iăng khua bruă klei mrâo lehanăn klei hâo hưn, bi êdah klă dŭm klei jăk kyua klei mrâo mrang amrô brei kơ klei đĭ kyar bruă duh mkra yang ƀuôn, boh nĭk hlăm wưng klei ruă covid-19 mâo klei dleh ksiêm dlăng. Ñu lač čiăng dưi mâo klei bi mlih amrô êngao kơ klei gĭr mơ̆ng pô gĭt gai čiăng lŏ mâo klei hrăm mbĭt mơ̆ng jih jang knơ̆ng bruă.

Y Khem pô mblang