VOV4.Êđê -  Aguah hruê 30-3, ti ƀuôn prŏng Ƀuôn Ama Thuôt, Knơ̆ng bruă hâo hưn mtô mblang čar Dak Lak mkŏ mjing leh klei hriăm mjuăt bruă hâo hưn kơ klei ruah phung bi ala Quốc hội gưl XV leh anăn phung bi ala HĐND dŭm gưl wưng thŭn 2021-2026. Êbeh 130 čô phung hriăm jing khau gĭt gai, phung čih klei mrâo dŭm anôk bruă klei mrâo ti alŭ wăl leh anăn phung čih klei mrâo gưl dlông ti Dak Lak nao hlăm anôk hriăm mjuăt.

Knơ̆ng bruă kriê dlăng mnuih mă bruă čar Dak Lak lač, bruă hâo hưn klei mrâo jing bruă yuôm bhăn hlăm klei tŭ jing hdră ruah phung bi ala Quốc hội gưl XV leh anăn phung bi ala HĐND dŭm gưl wưng thŭn 2021-2026.  Mơ̆ng bruă hâo hưn ngă kơ kluôm Đảng, jih jang êpul lĭng kahan leh anăn jih jang mnuih ƀuôn sang thâo săng klă hdră kñăm, bruă klam, hnơ̆ng yuôm bhăn mơ̆ng bruă kđi čar anei jing kñăm ruah phung bi ala êdah kdlưn, năng bi ala kơ klei mĭn, klei čang hmăng leh anăn klei dưi ngă êngiê mơ̆ng yang ƀuôn.

H Zawut pô mblang