VOV4.Êđê- Ti anăp klei ruă tưp brư̆ hruê ƀrư̆ dleh ksiêm dlăng ti čar Dak Lak, hruê ƀruê 9/5 êpul kiă kriê bruă mặt trận čar Dak Lak mâo leh klei hâo hưn kơ bruă mkŏ mkra klei kƀĭn trông bi tuôm hŏng phung mplĕ hră lehanăn mtrŭt mjhar bruă ruah khua tui hluê êlan trực tuyến mơ̆ng dŭm čô mgơ̆ng asei ngă pô bi ala Quốc Hội gưl 15 lehanăn HĐND čar Dak Lak. Hlăm 2 hruê 10 lehanăn 11/05/2021, êpul kiă kriê bruă mặt trận čar Dak Lak srăng mâo klei kƀĭn trông bi tuôm hŏng phŭng mplĕ hră tui hluê êlan trực tuyên čiăng kơ 15 čô mgơ̆ng asei ngă pô bi ala Quốc Hội gưl 15 lehanăn HĐND čar Dak Lak dưi bi tuôm hŏng phung mplĕ hră hlăm 3 anôk ruah khua.

Bruă mkŏ mkra tui hluê êlan trực tuyến klei bi tuôm hŏng phung plĕ hră mơ̆ng dŭm čô mgơ̆ng asei ngă pô bi ala Quốc Hội gưl 15 lehanăn HĐND čar Dak Lak dưi mkŏ mkra djŏ hră bhiăn, êđăp ênang, djŏ hŏng hdră êlan gang mkhư̆ klei ruă tưp Covid-19 lehanăn rơ̆ng klei jăk kơ dŭm čô mgơ̆ng asei djŏ hŏng hdră bhiăn.

Pô mblang: Y-Khem Niê